Bara baajataa darbetti daldala alaarraa galiin doolaarri biiliyoonni 3 ol argame
Finfinnee,Adoolessa 10, 2012 (FBC) – Bara baajataa darbetti daldala alaarraa galiin Doolaarri Ameerikaa biiliyoonni 3 ol argamuu Ministeerri Daldalaa fi Indaastirii beeksise.
Galii damichaarraa argachuuf karoorfame 81% raawwatamuu Ministirri deettaan Ministeera Daldalaa fi Indaastirii Ambaasaaddar Mizgaanuu Araggaa ibsaniiru.
Galiin bara baajatichaa argames kan bara darbee yeroo walfakkaatuun yoo madaallame 14% caalmaa qaba jedhan.
Galii argamee keessaa Doolaarrii Ameerikaa biiliyoonni 2.3 damee qonnaarraa kan aragame ta’uu himameera.
Doolaarrii miiliyoonni dhibbi 4 fi miiliyoonni 6 ammoo Oomisha damee Indaastiriirraa argamuu isaa Ambaasaaddar Mizgaanuun ibsaniiru.
Akkasumas damee Albuudarraa Doolaarri miiliyoonni dhibbi 2 fi miilyoonni 8 argameera jedhan.
Kanneen hafe meeshaalee Elektirooniksii alatti ergaman irraa argamuu ragaan ministeerichaarraa argame ni agarsiisa.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.