Finfinneen ‘Badhaasa Inisheetiivii Bu’uuraalee Misoomaa Bishkiliitii Biluumbargi’ injifatte

Finfinnee, Caamsaa 27, 2015 (FBC)- Magaalaan Finfinnee magaalota addunyaa 10 Badhaasa Inisheetiivii Bu’uuraalee Misoomaa Bishkiliitii Biluumbargi (BICI) injifatan keessaa tokko taate.

Ardiilee 5 keessaa magaalonni 275 piropoozaala dhiyeessuun dorgomuun magaalonni kudhan injifataniiru.

Biyyoonni badhaasicha injifatanis Ityoophiyaa dabalataeea Biraaziil, Hindi, Xaaliyaanii, Albaaniyaa, Niwuziilaandi, Poorchugaal, Kolombiyaa, Keeniyaa fi Moozaambiik ta’uun eerameera.

Magaalaan Finfinnee Daandii Bishkiliitii ijaaruuf hojiilee eegaltee fi fuulduratti gara sadarkaa caaluutti ceesisuuf piropoozaalaa dhiyeessiteen injifachuu akka dandeesse eerameera.

Jijjiiramaa qilleensaa ittisuu fi ummataaf filmaata geejjibaa dabalataan dhiyeessuu kan giddugaleeffatee inisheetivichaan Magaalaan Finfinnee Doolaara kuma 400 akka argattu ibsameera.

Magaalota inisheetivicha injifataniif deeggarsa maallaqaatti dabalataan deeggarsi teekinikaa akka kennamuuf eerameera.

Deeggarsi magaalonni Inisheetiivii Biluumbargiin argatan daandilee geejjibaa Bishkiliitii ijaaruun nageenyaa fi fayyaa jiraattoota cimsuuf akkasumas tajaajila geejjibaa waaraaf kan oolaniidha jedhameera.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.