Fooramiin invastimantii, daldalaa fi tuuriizimii Ityoophiyaa beeksisu Hinditti gaggeeffame
Finfinnee, Gurraandhala 19, 2012 (FBC) – Fooramiin invastimantii, daldalaa fi tuuriizimii Ityoophiyaa beeksisu Hinditti gaggeeffame.
Fooramichi Hind bulchiinsa Maadihiyaa Piraadeesh magaalaa Boohpaalitti kan gaggeeffame.
Fooramiin kun kan qophaa’e qindoomina Imbaasii Ityoophiyaa Niiw Deelhiitti argamuu fi Federeeshinii Mana Maree Daldalaa fi Indaastirii Maadihiyaa Praadeeshini.
Waltajjicharratti oomishtoonni dawaa fi meeshaalee yaalaa, meeshaalee elektiriikaa, infoormeeshin teeknooloojii, dhaabbileen hojii saamsuurratti bobba’an 25 ol argamaniiru.
Ambaasaaddar Dooktar Tizzitaa Mulgeetaa fi preezdaantiin federeeshinichaa Dooktar Raadihaa Sharan Gooswaamiin ergaa dabarsaniin fooramichi hariiroo biyyoota lamaanii gama hundaan cimsuuf murteessadha jedhaniiru.