Iityoo-Teeleekoom miidhaa bu’ura misoomaatin Birrii miiliyoona 100 kassare
Finfinnee, Muddee 30, 2012 (FBC) – Iityoo -Teeleekoom miidhaa bu’uraalee misoomaa irra ga’een ji’oottan 6n darbanitti Birrii miiliyoona 100 dhabuu isaa beeksiseera.
Bu’uura misoomaa 547 irra miidhaan kan ga’e yoo ta’u, miidhaan kun itti yaadamee kan raawwatame ta’uu hoji raawwachiiftuun Iityoo-Teeleekoom aadde Fireehiyiwat Taammiruun dubbataniiru.
Eegdota bu’uuraalee misoomaa irra saamtoota kanneenin miidhaan ga’uus ibsaniiru.
Qaamoleen faaybarii fi koopparii irratti saamicha raawwatan too’annoo jala oolanii adabbiin barsiisaa ta’e irratti laatameera.
Yakkichi yeroodhaa yerootti dabalaa dhufuus aadde Fireehiywat himaniiru.
Dhimmichi qaama hundaan xiyyeeffannoo yoo hin arganne qulqullinaa fi waliinga’iinsa irratti gufuu cimaa ta’a jedhaniiru.
Rakkinicha ittisuuf yeroo itti aanutti dhimmoota hojjetamuu qabanirratti mariin kan gaggeeffamu ta’uu ibsaniiru.