Kaabineen naannoo Somaalee yaa’ii idilee jalqabaa gaggeesse

Finfinnee, Onkololeessa 15, 2014 (FBC) – Kaabineen naannoo Somaalee yaa’ii idilee jalqabaa isaa guyyaa har’aa  gaggeesseera.

Walga’icharratti preezdaantiin naannichaa obbo Musxafee Mahaammad dabalatee hoggantoonni olaanoo naannichaa argamaniiru.

Akkaataa karoora boqonnaa haaraa qabameen dhimmoota biyyaalessaa, naannoo fi tajaajila uummataa sadarkaa sadarkaan kennaman irratti bal’inaan marii’achuu ibsameera.

Waggoottan dhufanitti hojiilee misoomaa irratti xiyyeeffannoon kennamee kan ta’uu fi itti fayyadama bajataa ammayyeessuun rakkoolee proojektootaan walqabatan waaraan furuuf keessattuu malaammaltummaa fi hojimaata badaa irratti kaabineen akka irratti qabsaa’u Preezdaant Muusxafeen waamicha taasisaniiru.

Naannichatti nageenyi mirkanaa’e akka itti fufuu, biyya badiisarraa ittisuu fi birmadummaa ishee itti fufsiisuuf qaamoleen nageenyaa qindoominaan hojjechuu akka qaban ibsaniiru.

Yaaddoo gogiinsa naannicha mudachuu maluuf ammarraa kaasee qophiin barbaachisu godhamuu akka qabu fi hooggansi naannichaa tajaajila qulqullina qabu qajeelfama dabarsuu isaanii ragaan miidiyaalee naannichaarraa argame ni muul’isa.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.