Kooriyaan Kaabaa Misaa’eloota baalistikii dabalataa furguggiste

Finfinnee, Fulbaana 26, 2015(FBC)- Kooriyaan Kaabaa guyyaa har’aa Misaa’eloota baalistikii fageenya gabaabaa 2 furguggiste.

Biyyattiin misaa’eloota kanneen kan furguggisiiste Ameerikaan loltootaafi doonii waraanaa ishee qubsuma Kooriyaarratti bobbaasuu hordofee ta’uu ibsameera.

Kana malees shaakala waraanaa Ameerikaafi Kooriyaan Kibbaa tibbana taasisaniif deebii kennuuf ta’uu himameera.

Haaluma kanaan biyyattiin guyyoota 12 keessatti miisaa’ela baalistikii 6 furguggisuu miidiyaaleen gabaasaniiru.

Miisaa’elli jalqaba furguggifame fageenya kiiloomeetira 350 kan imale yoo ta’u inni lammaffaan ammoo kiiloomeetira 50 furguggifamuu ibsameera.

Biyyattiin shaakala waraanaa waloo Ameerikaa, Jaappaaniifi Kooriyaan Kibbaa qubsuma Kooriyaa irratti taasisan qophii waraanaaf taasifamurra darbee yaaddoo birmadummaa isheerratti aggaamame ta’uu irra deddeebiin ibsaa turteetti.

Shaakkalli waraanaa waloo biyyoonni kunneen gaggeessan Kooriyaa Kaabaa haalaan mufachiisuu Press Tvn gabaaseera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.