Priimiyar Liigiin Tootanihaam, Laaliigaan Baarseeloonaan morkattoota isaanii injifatan
Finfinnee,Waxabajjii 17,2012 (FBC) – Eda galgala Priimiyar Liigii Ingilaandiin taphoonni lama, Laaligaa Ispeeniin taphoonni sadi gaggeeffamaniiru.
Priimiyar Liigii Ingilaandiin Tootanihaam, Weestihaam Yuunaaytiid 2-0n injifateera.
Tapha kanaan taphataan sarara fuulduraa Tootanihaam Harii Keen goolii tokko yoo lakkoofsisu, goolii tokko ammoo taphataan Weestihaam Suuseek ofirratti lakkoofsiseera.
Taphni Leesiistar Siitii fi Braayitan gidduutti gaggeeffame goolii malee qixa xumurameera.
Taphoota liigichaa torbee 31ffaan har’a galgala taphoonni 5 kan taphataman yoo ta’u, Maanchiisteer Yuunaaytiida –Sheefiild Yuunaaytiid, Niiwuu Kaastil- Astoon viilaa, Noorwiich – Eevartan, Walviis – Barnimaawuuz, Liivaar Puul Kriistaal Paalaas waliin ni taphatu.
Oduu walfakkaatuun, Laaligaa Ispeeniin Baarseeloonaan, Atleetiik Biilbaa’oo 1-0n injifateera.
Tapha Biroon Leevaantee 0-1 Atleetikoo Maadriid, Riiyaal Vaayaadooliid 1-1 Geetaafee.
Taphoota Seeriyaa Xaaliyaaniitiin ammoo Heelaas Veeroonaan 0-2 Naappoolii, Paarmaan 4-1 Jeenoowaa,
Kaagliiyaariin 1-0 Ispaal, Tooriinoon 1- 0 Yuudiiniizee injifataniiru.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.