Sudaanii fi Gibts waliigaltee tumsa loltummaa mallatteessan

Itaamaajooriin waliigalaa Raayyaa Ittisaa Sudaan Muhaammad Al Huseenii fi gitni isaanii Gibtsi Mohaammad Faariid Kaartumitti waliigalteerra ga’aniiru jedhame.

Biyyoonni lamaan sodaa nageenya biyyaalessaa qabaachuu wayita waliigaltee ibsaniiru.

Itaamaajooriin waliigalaa Raayyaa Ittisaa Sudaan Muhaammad Al Huseenii waliigaltichi dhimma Sodaa nageenya biyyaalessaarra darbee waraanaa muuxxaanno qabu ijaarsuuf kan kaayyeeffate ta’uu eeraniiru.

Deeggaarsa Gibts Sudaaniif taasiiftu galateeffataniiru.

Itaamaajooriin waliigalaa Raayyaa Ittisaa Gibts Mohaammad Faariid gama isaaniin biyyi isaanii damee hundaan Sudaaniif tumsa taasiisuuf karoorfachuu dubbataniiru.

Keessattuu hariiroo loltummaa fi dhimmoota nageenyaa biyyoota lamaanii kan cimsan ta’uu eeraniiru.

Maddi:- Shiiniwaa

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.