Walitti dhufeenyi Yuunvarsiitii Adaamaa fi Humna Qilleensaa Ityoophiyaa giddu jiru ce’umsa Teeknooloojiif carraa guddaa uumaa – Jeneraal Yilmaa Mardaasaa
Finfinnee, Amajjii 19, 2013 (FBC) – Walitti dhuufeenyi Yuunvarsiitii Adaamaa fi Humna Qilleensaa Ityoophiyaa giddu jiru ce’umsa teeknooloojiif carraawwan hedduu kan uumuu ta’uu ibsameera.
Walitti dhuufeenyi Yuunvarsiitii Saayinsii fi Teeknooloojii Adaamaa fi Humna Qilleensaa Ityoophiyaa gidduu jiru ce’umsa teeknooloojiif carraawwan hedduu kan uumuu fi nageenya damichaa kan eegsiisu ta’uu Ajajaa Olaanaan Humna Qilleensaa Ityoophiyaa Meejar Jeneraal Yilmaa Mardaasaan himaniiru.
Meejar Jeneraal Yilmaan ga’umsa dhaabbatichaa guddisuuf Yuunvarsiitiin Saayinsii fi Teeknooloojii Adaamaa hojiin hojjete jajjabeessaa ibsaniiru.
Yuunvarsiitiin Saayinsii fi Teeknooloojii Adaamaa humna qilleensichaaf Moojuloota 10 qopheessuun gumaachuu ibsaniiru.
Yuunvarsiitichi ga’umsa dhaabbilee garaagaraa cimsuuf itti gaafatamummaa isarraa eeggamu ba’achaa jiraachuu Itti aanaan Preezdaantii Qorannoo fi Ce’umsa Teeknooloojii Yuunvarsiitii Saayinsii fi Teeknooloojii Adaamaa Dooktar Shifarraa Fayyyisaan dubbatan.
Preezdaantiin Yuunvarsiitii Saayinsii fi Teeknooloojii Adaamaa Dooktar Lammii Guutaan gama isaaniin, miseensota dhaabbatichaaf carraa barumsaa fi leenjii yeroo dheeraa fi gabaabaa bilisaan kan laatu ta’uu ibsaniiru.
Hojjettoota dhaabbata lameenii hojicharratti hirmaataniif beekkamtiin laatamuu ragaan Yuunvarsiiticharraa argame ni agarsiisa.
Fuula Feesbuukii Keenyan Dabalata Odeeffannoo Waqtaawaa Argachuuf;
Teelegraama Keenya Https://T.Me/Afanoromofana Subiskiraayib Godhaa.
Karaa Yuutyuubii Keenyan Nu Hordofuuf FBC Afaan Oromoo Https://Www.Youtube.Com/C/Fanabroadcastingcorporate/ Subiskiraayib Godhaa.
Karaa Marsariitii (Weebsaayitii) Keenya Fanabc.Com/Afaanoromoo Nu Hordofaaa.
Twiitara Keenya Https://Twitter.Com/Fanatelevision Nu Duukaa Bu’aa
Yeroo Maraa Nu Waliin Waan Taataniif Isin Galateeffanna!