24 Saaqatih Addat Koroonah Vayresih Fokaaqo Akak Aben 106 Yakke Mari Curri Yekke
Addis Ababa, Qado Dirri 16, 2012 ILL (FBC) Taturteh Tan 24 Saaqatih Addat Koroonah Vayresih Fookaaqo Akak Aben 106 Yakke Mari Tama Vayresik Curri Yekkem Qaddoosen.
Itiyoppiyak Ayyunti Qaafiyatih Fanteena Teceh Tan Maybalaalaqal, Ayyunti Garil Yanih Yan Garciik Gexxaamah Tama Vayres Fixiixaamak Sitta Lih Taamitaanam Faxximtam Yiysixxigen.
Aham Fanah Culmah Afak 668 Alfi Yakke Mari Baaxoh Addah Culem Tama Fanteenak Naharsi Dayrekter Dr. Ebba Abaate Qaddoose.
Tama Vayresih Kalaluh Yakkeh Yan Macalal 474 Yakke Mara Deeliyyi Fanteenal 14 Ayroh Gideh Akah Sugan Innahj Abeenim Warse.
Ta Vayresit Angaaraw Leh Akak Iyyen Maritteh Fokkaaqo Diggoseenih Geytimaanam Yiysixxige.
2 Takke Ossetina Marittek Fokkaaqo Xalu Qaddoseloonum Kassiise.
Ameerikak Tamaate Fokaqo Silaacitte Rakaakayitteh Elle Xiqtannih Caddol Taamitak Geytimaanam Yescesee.
Awayi Saaqatal 20 Numul Tama Vayresih Asta Tumbulleh Tanim Kassiisaak Tama Mara Kaaduk Deeliyyi Fanteenal Kattat Keenih Abak Geytimaanam Kee Xalu Qambaalanah Yaniinim Warse.