Afrikal Koroonah Vayresit Yibbixsime Marih Qadad 10 Alfiik Tatre
Addis Ababa, Qado Dirri 29, 2012 ILL (FBC) Afrikah Qarangubal Koroonah Vayres (KOVID 19) Yibbixsime Marih Qadad 10 Alfiik Daga Yekkeh Yanim Oytitte Tascasse.
Away Baad Caddol Koroonah Vayresit Yibbixsimeh Yan Marih Qadad 1 Miliyon 348 Alfiik Daga Yekkeh Yanim Jon Hopkins Universitih Oyti Yascasse.
Tamakkeh Fanak Kaaduk 10 Alfi 68 Num Afrikah Qaran Guba Kinnim Qaddoosen.
Baadal Ta Vayresik Gexxaamah 74 Alfiik Daga Yakke Marih Qawwaddi Edde Yewqem Kee Afrikal Kaaduk 480 Yakke Mari Edde Rabeh Geytima.
Afrikal 990 Yakke Mari Tama Vayresik Qaffoote Marih Qadad Kinnuuk, Baad Caddol Kaaduk 284 Alfiik Daga Yakke Mari Qaffooteh Geytimam Warsen.
Afrikah Qaran Gubal 1 Alfi 686 Num Ta Vayresit Akak Tibbixsimeh Tan Gabbi Afrika Qabursi Caddot Geytimta. Tama Baaxol Aham Fanah 12 Numih Qawwaddi Edde Awaqauk 95 Num Qaffooteh Geytimam Yiysixxigen.
Aljeeriyal 1 Alfi 423 Num Tama Vayres Yibbixeh Yanim Kee 173 Numih Qawwaddi Edde Awaqauk, 90 Num Qaffooteh Geytima.
Masril Aham Fanah Tanih Tan Oytittel 1 Alfi 322 Num Ta Vayres Teetik Yibbixeh Yanim Kee Tamakkeh Fanak 259 Num Akak Qaffootak, 85 Num Edde Rabeh Yanim Qaddoosan.
Morookol 1 Alfi 120 Num Koroonah vayres Yibbixeh Yaniimiiy, Tamakkeh Fanak 4 Qaffootak, 6 Num Edde Rabeh Geytima.
Ayro Mawqah Afrikah Baaxoh Tan Keniyah Tu Gacteki 158 Num Koroonah Vayresit Abbixsimuk, 4 Qaffooteh Yanim Kee 6 Num Edde Rabeh Geytima.
Jabuutil 90 Num, Eretiriyal 31 Num, Somaliyal 7 Num Tama Vayresit Yibbixsime Marih Qadad Kinni.
Itiyoppiyal Kimaalih Ayro Fanah Tanih Tan Oytittel, Amolladih Koroonah vayresit Yibbixsime Marih Qadad 44 Gufeh Yanim Kee Tamakkeh Fanak 44 Num Qaffootak, 2 Num Kaaduk Edde Rabeh Yanim Tamixxige.