Fana: At a Speed of Life!

Baad Caddol Koroonah Vayresit Yibbixsime Marih Qadad 8 Miliyoonuk Daga Yekke

Addis Ababa, 10, 2012 ILL (FBC) Baad Caddol Koroonah Vayres Yibbixeh Yan Marih Qadad 8 Miliyoonuuk Daga Tatreh Yanim Qaddoosen.

Jonhopkins Jaamiqatih Oyti Elle Yascassennal, Baad Caddol 8 Miliyon 34 Alfi 461 Koroonah Vayresit Yibbixsimeh Geytimam Warsen.

3 Miliyon 875 Alfi 339 Yakke Mari Koroonah Vayresik Qaffooteh Yanim Yiysixxigen.

Baad Caddol Koroonah Vayresit Rabeh Yan Marih Qadad Kaaduk 436 Alfi 901Gufeh Yanim Qaddoosen.

Ameerika Koroonah Vayresit Mango Mari Teetik Yibbixsimeh Tonnah Teetik Edde Rabak Baad caddol Qaburut Miraacisak Geytimta Baaxo Kinni.

Tama Baaxol 2 Miliyon 114 Alfi 26 Num Koroonah Vayresit Abbixsimuk, Tamakkeh Fanak 576 Alfi 334 Num Qaffooteh Yanim Kee 116 Alfi 127 Numih Qawwaddi Edde Yewqeh Yanim Yiysixxigen.

Biraazil 2haytoh Caddot Geytimtam Kassiisaak, Aham Fanah Tama Baaxol 888 Alfi 271 Num Koroonah Vayresit Abbixsimuk 43 Alfi 957 Yakke Marih Qawwaddi Edde Yewqeh Yanim Warsen.

Rusiyal Kaaduk 536 Alfi 484 Yakke Mari Koroonah Vayresit Yibbixsimeh Geytima.

Hindil 343 Alfi 91 Yakke Mari Yibbixsimeeh, Tonnah Biritaaniyal 298 Alfi 315 Num Koroonah Vayres Yibbixsimeh Geytima.

Baadak Qaafiyat Eglak Naharsi Dayrekterih Yan Dr. Tedros Adcanom Away Baad Caddol Koroonah Fixix Ossimak Geytimaamak Ugut Abak Cubbi Abaanam Faxximtam Yescesse.

Ayroh Addat 100 Alfiik Daga Yakke Mari Koroonah Vayresit Abbixsimuk Geytimam Tamaha Lih Qaddoose.

Ahak Ugut Abak Garcite Kal Kalali Cokdaadi Abinal Asisaanam Faxximtah Tanim Kassiise.

You might also like

Leave A Reply

Your email address will not be published.