Baadal Koroonah Vayresit Rabteh Tan Maritteh Qadad 30 Alfiik Daga Yekke
Addis Ababa, Qado Dirri 20, 2012 ILL (FBC) Baadal Koroonah Vayresit Rabteh Tan Maritteh Qadad 30 Alfik Tatreh Geytima.
Tahak Ugut Abak Aham Fanah Tama Vayres 170 Baaxooxa Gufeh Geytima.
Tama Xaagi Missoowem Fanah Baadal 30 Alfi 857 Num Ta Vayresik Gexxaamah Edde Rabteh Tanim Oyti Yasacsse.
Taha Lih Baad Caddol 665 Alfi 616 Yakke Mari Tama Biyaakat Yibbixsimeh Geytimam Warsan.
Sissikaanet Baarimak Geytimah Yan Koroonah Vayresik Gexxaamah Taaliyan, Espeen, Ameerika, Chayna, Iran, Jarman Kee Faransal Kaxxa Taqabih Addat Geytiman.
Jon Hopskins Universitih Oyti Elle Yascassennal, Ameerikal Koroonah Vayresit Yibbixsimeh Yan Marih Qadad 124 Alfi 686 Gufak Baad Caddol Qabursi Baaxo Tekkeh Geytimtam Qaddoosen.
Taaliyaanal 96 Alfi 472, Chaynal 82 Alfi, Espeenil 73 Alfi 57, Jarmanal 57 Alfi 697 Tonnah Faransal 38 Alfi 105 Num Tama vayresit Yibbixsimeh Geytimam Warsen.
Taaliyaan Baaxol Baadal Sinam Akak Rabteh Tan Baaxooxak Qabursi Caddot Geytimtam Kee Aham Fanah 10 Alfi 23 Takke Baaxo Xaylo Teetik Edde Rabtem Qaddoosan.
Espeenil 5 Alfi 982, Chaynal 3 Alfi 182, Iraanal 2 Alfi 517 Tonnah Faransal 2 Alfi 314 Num Tama Vayresiik Gexxaamah Keenik Edde Rabtem Warsan.
141 Alfi 746 Yakke Mari Tama Vayresik Qaffootak Sinni Buxa Fanah Yuduureenih Geytiman.
Mango Baaxooxa Tama Dalkah Kalaluh Caydu Alfaanamak Xabba haanam Mango Macal Akah Abak Geytiman.