Fana: At a Speed of Life!

Bicat Ane Wah Yan Miraacinni Baaxo Kee Ummatta Miraacisam Duude Waamih Taagah Mirocti, Siyaasak Edde Xinta Kee Poolisitte Aaxaguk Bicam Faxximtam Nahrsi Malak Dr. Abiy Acmad Qaddoose

Addis Ababa, Caxah Alsak 4, 2012 (FBC) Biso Maxco Missoynak Fayya Le Miraacinnih Aydakaakanak Alfiyyi Qaffayda Gexsen.

Biso-Maxco Missoynak Fayya Le Miroctih Aydakaakanak Alfiyyi Qaffayda Gexisak Geytiman.

Naharsi Malaakih Kutbeh Buxal Gexisak Geytiman Tama Alfiyyi Qaffaydal, IFDRik Naharsi Malak Kee Missoynak Prezdantih Yan Dr. Abiy Acmad Tama Aracal Geytimak Farmu Tatruse.

Naharsi Malak Tatruseh Yan Farmol, Mirocti Sitta Akah Taxigennah, Dudda Isinnik Gablusa Ummattah Affaf Akah Yacen Innah Cubbit Haak Bicisen Aydakaakan Kinnuk, Elle Fannennal Arac Neh Xageh Axcuk Qaddoose.

A Aydakaakan Dibuk Xiqe Waytam, Qimmisiyyi Gidel, Faxxiima Bicah Gita Fakam Duudem Naharsi Malak Qaddoose.

Bice Weh Yan Miracini, Baaxo Kee Ummatta Miraacisam Duude Waam Kassiiseh Yan Naharsi Malak Dr. Abiy, Miraacini Biso-Maxco Missoynak Edde Xinta Kee poolisitte Aaxaguk Kulli Wak Bicat Sugam faxximtam Yiysixxige.

“Siinih Tontocowwe Arooca Kulliwak Siinillih Suge Waytam Aaxaguk, Liton Masuuliyyatal Isinni Ummattah Rammitak Affaf Keenih Acayuk Gexa” Axcuk Naharsi Malak Dr. Abiy Acmad Abeh Yan Yaabal Kassiise.

Missoynak Ummatta Kee Afah angaarawih Luddak Koobahiseynah Yan Gifta Awwalu Qabdi Elle Qaddoosennal, 17 Ayroh Suge Aydakaakan, Baaxo Milaagu Kee Geytimeh Yan Xalul Fidin Walal Edde Yekkem Qaddoose.

Milaagi Udduurul Tumbulleh Tan Adafitte, Milaagu Bisoh Hoonuh Tekkeh Tan Taamoomi Kee Fooca Fanah Takku Wayta Taamah Caagiidal Fayya Le Mirocti Tama Aydakaakanal Meqe Ixxiga Geyeenim Kassiise.

A Yanih Yan Milaagu Bisoh Hoonuh Fayya Le Mirocti Ayyunti Xaqut Soolak, Miraacini Doorit Digraanam Faxximtam Gifta Awwalu Qabdi Qaddoose.

Miraacinni Fanal Mablah Inkittinaane Baahanamih Katuk A Aydakaakan Kaxxa Doori Lem Yiysixxige.

Gifta Awwalu Elle Qaddoosannal, Baxaabaxsa Le Gital Isi Amoh Taamitak Sugte Mirocti, Inki Gexsiti Fan Baahak Inki Hadaf Bahsiise Aydakaakan Kinnim Kassiise.

Qusba Miraacini Kee Duma Sugte Mirocti Fanat Yan Abak Raag Kee Ixxiga Tambulle Coocitte Alifaki, Nammayak Inkih Siyaasa Edde Xinta Kee Polisittet Taamitaanam Faxximtam Qaddoose.

You might also like

Leave A Reply

Your email address will not be published.