Fana: At a Speed of Life!

Doonald Tiramp Jeneral Moterik Biyaakita Marah Ufuy Cato Keenih Abta Silaacitte Akah Yamruten Innah Amri Tatruse

Addis Ababa, Qado Dirri 19, 2012 ILL (FBC) Ameerikah Pirezdantih Yan Doonald Tiramp Makiina Murtil Tamixxige Jeneral Moteris Egla Ufuy Ruuboh Silac Akah Yamruten Innih MAri Yecem Warsen.

Tama Pirezdanti Koroonah Vayresit Biyaakitah Yan Mari Ufuy Taqabi Keenit Booda Wak Edde Yantiffiqimen Dayli Silac Akah Yamruten Innah Amri Keenil Yeceh Yanim Yiysixxigen.

“Jeneral Moteris Wakti Annaak Bayissah Axcuk” Pirezdanti Tirampi, Tama Eglah Saqal Yaabal Xageh Yanim Qaddoosen.

Tama Amri Akah Yacayu Duudeh Yanim Ahak Afal Koriyah Carbih Uddur Yeyyeeqen Madqak Ugut Abak Geyeh Yan Reeda Kinnim Warsan.

Tama Maaqatta Ameerika Koroonah Vayres Kalalittuh Abtah Tan Macalak Exxak Teyna Kinnim Yiysixxigen.

Tahak Ugut Abak Eglaali Kee Kalah Tan Baxooxa Ventileteritte Bicisak Xayyosaanam Duudaanam Yiysixxige.

Jeneral Moteris Qasa Dirriik Xabba Haanam Kulli Alsal 10 Alfi Ventileteritte Amruteyyo Axcuk Ahak Afal Qaddosse Sugte.

Ameerikal Koroonah Vayres 104 Alfi Num Yinxibbimeh Geytimam Kee 1 Alfi 700 Xayyowtah Tan Maritte Ede Rabteh Tanim Oyti Yascasse.

Tamaha Lih Taaliyan Kee Espeen 1 Ayroh Addal Mango Raba Yuysukuttubeenih Geytiman.

You might also like

Leave A Reply

Your email address will not be published.