Itiyoppiyal Buxaak Buxah Abeenih Yanin Cubbussol 3 Milyoonuuk Daga Takke Qarwa Gufaanam Xiiqimte – Dr. Liya
Addis Ababa, Qasa Dirri 16, 2012 ILL (FBC) Agat Caddol Koroonah Vayresih Kalaluh Buxaak Buxah Abeenih Yanin Cubbussol 3 Miliyoonuuk Daga Takke Qarwa Gufaanam Xiiqimtem Qaafiyat Malaakah Tan Dr. Liya Taddese Qaddosse.
Tama Cubbusso Agat Caddol Koroonah Vayres Aba Fixix Akak Yasmatoonuh Kaxxa Cato Lem Tiysixxige.
Tahak Ugut Abak Tama Cubbussl 427 Num Asta Keenil Tumbulleemik Ugut Abak Ken Baxsaanamih Taama Tekkeh Tanim Qaddosse.
Ta Vayresih Kalalih Kalaluh Akkuk Geytimta Angagoyyittek, Tayyaara Boora Kee Cudud Dariifak Culah Yan Maral Hangi Abak Geytimaanam Kassiisaak, Tahim Kaaduk Addis Ababa Kee Rakaakayittel Akah Baarimtannah Akkuk Geytimtam Tiysixxige.
Itiyoppiyak Ayyunti Qaafiyatih Inistituyutuk Naharsi Dayrekterih Yan Dr. Ibba Abaate Is Le Kabuk, Koroonah Vayresih Fokkaaqoh Fanteenit Diggoysaanamih Taama Akkuk Geytimtam Qaddoose.
Away Fokkaaqo Fanteenit 20 Gufseenih Yaniinim Kee Fokkaaqo Duddi Keenik Fayya Axcuk Geytimam Warse.
Fana Brodkasting Korporeetik Qusba Oytitte Faxxeenik 8111 Ok Axcuk Rubteenik Sissikuk Sin Gufele.