Itiyoppiyal Ossetibah 3 Numul Koroonah Vayres Geytime.
Qasa Dirri 11, 2012 ILL (FBC) Itiyoppiyal Koroonah Vayresit Yibbixsime Marih Qadad 108 Gufem Qaafiyat Malak Qaddose.
Itiyoppiyal Tuturte 24 Saaqatih Addat 667 Numuk Aben Laboratoori Fokkaaqol 3 Numul Koroonah Vayres Geytimem Qaafiyat Malaakah Tan Dr. Liya Taddese Qaddosse.
Ta Vayres Edde Geytime Marih Fanak
62 Karmat Geytimta Say Num Kinnuuk, Ameerikak Tuduureh Deeliyyi Fanteenal Sugtem Warsen.
Kalah Kaaduk 19 Karmat Geytima Awki Saquudiyak Adaaruk Deeliyyi Fanteenal Sugem Yiysixxigen.
3haytoh Kaaduk, 52 Karmat Geytimta Say Num Kinnim Kee Tet Caagid Kusaaqat Geytimaanam Warsen.
Itiyoppiyal Aham Fanah 7 Alfi 557 Numuk Fokkaaqo Abak 108 Numul Koroonah Vayres Keenil Geytime.
Tamaha Lih 16 Num Qaffooteeh 1 Num Madarratah Yanim Kee 3 Num Rabem Tamixxige.