Fana: At a Speed of Life!

Kilbatti Koriya Gabbi Koriya Lih Le Angaaraw Soolisse

Addis Ababa, Waysu 02, 2012 ILL (FBC) Kilbatti Koriya Gabbi Koriya Lih Luk Sugte Angaaraw Soolisseh Tanim Tiysixxige.

Kilbatti Koriya Tama Maqattat Akah Tamaatu Duddeh Tanim, Mano Sinnik Gabbi Koriyal Leh Tan Yo Ganteh Akak Inta Tet Baaxoh Xaylo Umaane Ugussa Farmo Leh Tan Waraakit Tet Baaxo Fanah Ruubeenih Yaniinim Qaddosse.

Ahak Ugut Abak Kilbatti Koriya, Gabbi Koriya Yok Naqboyta Kinni, Ta Saakuk Xabba Haanam Angaaraw Sooliseh Axcuk Beyteh Tan Maaqatta Tiysixxige.

Namma Koriyah Baaxooxah Fanat Sanat 2018 Awroppah Liggidih Loowok Sugte Der Sanatah Sittak Baxsimeenik Lakal Walal Gexseenik Lakal Yanih Yan Sittin Wayti Yafxigoonuh Kilbatti Koriyak Cududuh Raqtah Keziyun Magaalal Angaaraw Biiro Fakeenih Sugeenim Tamixxige.

Tama Biiro Kaaduk Koroonah Vayresiik Gexxaamah Alifut Sugeh Yanim Kee Telefoon Angaarawat Dibuk Akkuk Sugeh Yanim Warsan.

Takkay Ikkah Tama Biiro Asaakuk Xabba Haanam Alfimelem Qaddoosak Geytiman.

Namma Baxooxah Miroctik Telefon Angaaraw Kee Qaskariyyoh Angaaraw Inkitanuuk Soolelem Warsan.

Awroppah Liggidih Loowok Sanat 1953 Namma Koriyah Carbi Gaba Kalem Takkay Ikkah Salaam Sittin Gey Abe Weenimiik Ugut Abak Aham Fanah Carbit Geytimaanam Tamixxige.

Raceyna:- BBC

You might also like

Leave A Reply

Your email address will not be published.