Fana: At a Speed of Life!

Koroonah Vayresik Ossetinah 6 Numul Geytime

Addis Ababa, Qado Dirri 25, 2012 ILL (FBC) Taturteh Tan 24 Saaqatih Addat Gexseenih Yanin Laboraatoori Fokkaaqo Akak Abeenih Yanin 74 Numuk 6 Numul Koroonah Vayres Keenil Geytimem Qaddoosen.

Ahak Ugut Abak Itiyoppiyal Koroonah Vayresit Yibbixsime Marih Qadad 35 Gufeh Yanim Qaafiyat Malak Qaddoose.

Ta Vayresit Yibbixsimeh Yan Marak 5 Num Addis Ababal Geytimem Kee 1 Num Kaaduk Diredawal Geytimem Warsen.

Addis Ababal Geytimeh Yan Marak 2 Num Iro Baaxoh Safar Luk Mara Kinnuuk, Aham Kaaduk 35 Karma Kee 30 Karmat Geytima Lab Mara Kinnim Warsen Tama Mari Qado Dirrik 10 Tonnah Qado Dirrik 8 Sanat 2012 ILL Dubayak Yuduure Mara Kinnim Yiysixxigen.

Tama Namma Num Dirkisiyyal Deeliyyi Fantena Akah Culan Innah Tatrusen Margaqak Nahart Baaxo fanah Cule Mara Kinnim Kassiisen.

3hele Num 28 Karmat Geytima, 4hele Num Kaaduk 56 Karmat Geytima Lab Num, 5hele Num Kaaduk 30 Karmat Geytimaam Kee Iro Baaxoh Safar Alle Waanam Yiysixxigen.

Tama Mara Lih Angaaraw Luk Suge Mara Gorrisak Geytimaanam Warsen.

6hele Tama Vayresit Tibbixsimem 33 Karmat Geytimta Say Num Kinnuuk, Guubuh Dire Dawah Magaalal Ahak Afal Tama Vayresit Yibbixsime Numu Lih Angaaraw Luk Sugtem Qaafiyat Malaakih Oyti Yascasse.

You might also like

Leave A Reply

Your email address will not be published.