Koroonah Vayresit Yibbixsime Marih Qadad 29 Gufe
Addis Ababa, Qado Dirri 23, 2012 ILL (FBC) Koroonah Vayresit Yibbixsime Ossetinah 3 Num 24 Saaqataih Addat Geytimem Qaafiyat Malaakah Tan Dr. Liya Taddese Qaddosse.
Itiyoppiyak Ayyunti Qaafiyatih Inistituyut Taturteh Tan 24 Saaqatih Addat 68 Laboratoorih Fokkaaqo Abak Koroonah Vayresit Yibbixsime 3 Num Geytimu Duudem Diggowte.
Tama Oyti Missoowe Fanah Amolladih 1 Alfi 83 Laboratoori Abeenih Geytimaanam Warsen.
Ta Vayresit Tibbixsime 3 Num Inkih Itiyoppiyah Xaylo Kinnim Qaddoosen.
33 Karmat Geytimta Say Num Kinnuuk Safar Aydaadi teetik Jabuuti, Birazil, Hindi Kee Illacaboh Kongo Birazavil Kinnim Yiysixxigen.
Ta Vayresih Asta Teetit Yumbulleemik Ugut Abak Deeliyyi Fanteena Tet Sugusak Abeenih Yanin Fokkaaqol Tama Vayres Teetil Geytimu Duude.
Gexsi Num Kaaduk 26 Karmat Geytima Lab Num Kinnuuk Kaak Taamah Angaaraw Mangoh Tan Iro Safar Leh Tan Maritte Lih Luk Sugem Warsen.
Tonnah 3hele Num 32 Karmat Geytimam Kee Tama Vayres Yibbixeh Yan Mara Lih Angaaraw Luk Suge Num Kinnim Qaddoosen.
Deeliyyi Fanteenal Kattat Kah Abak Sugeenik Lakal Abeenih Yanin Fokkaaqol Tama Vayres Kal Geytimem Warsen.
Tama 3 Numuh Deeliyyi Fanteenah Addal Qaafiyat Kattaatu Keenih Abak Geytimaanam Qaddowte.
Tama Mara Lih Angaaraw Luk Sugteh Tan Maritte Gorrisaanamih Taama Akkuk Geytimtam Qaafiyat Malaakah Tan Dr. Liya Taddese Tiysixxige.
Away Itiyoppiyal Deeliyyi Fanteenah Addal Dayli Kattaatu Akah Aban 25 Num Geytimam Kee 2 Num Kaaduk Ummannah Geytimtam Warsen.
Tonnah 2 Num Tama Dalkak Qaffottu Dudde.