Mala Buxa Migaq Baysa Kee Dirab Oyta Barcisiyya Kalalitoonuh Yeyyeqen Kukta Faaticisen
Addis Ababa, Caxah-Alsa 5, 2012 ILL (FBC) IFDR Ummattah Awlaytiitih Malah Buxa Migaq Baysa Kee Dirab Oyta Barcisiyya Kalalu Kee Loysiisoonuh Yeyyeeqen Kukta Faaticisen.
IFDR ik Ummattah Awlaytiitih Malah Buxak 5hele Taama Dabaanak 1hele Sissik Kobox Asaakih Ayro Gexisse.
Tama Kukti Migaq Baysi Yaab Kee Dirab Oytitte Ayyuntiino, Siyaasa Cunxo, Baaxoh Inkittiine, Adan Baxi Kunnabna Kee Mangitiina Tuxxiiq Hangit Haak, Tama Dirab Oytiittek Taafeh Tan Taqabitte Yaynukusoonuh Kaxxa Cato Allele Iyyeenih Bicsen Kukta Kinnim Qaddoosen.
Migaq Baysa Kee Dirab Oytitte, Demokraasi Kee Anaakar Aboonuh Adaf Takkem Kinnuuk, Agat Kee Diinit Arawah Haak Migaq Baysa Kee Dirab Oytitte Barcisaanama,, Keddeeminna, Nado Kee Ayma Taqabittet Deeltam Kinnim Kassiisen.
Tahak Ugut Abak Tama Oytitte Kalalitoonuh, Madqa Akah faxxiimak Sugteemih Taagah, Migaq Baysa Kee Dirab Oytih Barcisiyya Kalalitaanam Kee Loysisoonuh Bicsen Kukta Kinnim Warsen.
Mala Buxah Adoytit, Ta Kuktal Lon Mabla Kee Tummobul Elle Acayuk, Baaxo Xaylok Mabla Qddoosiyyih Curriyatat Adaf Takkem Qaddosen. Madqa, Qadli Kee Demokraasi Caagiidak Maytani Makaado A Kuktih Caagiidil Baar Le Addaffakot Kee Gacsa Elle Yecen.
Tahak Ugut Abak, A Kukti Ummattak Mabla Qaddoosiyyih Currayatat Adaf Akke Wam Kassisaak, Doolat Madqak Maasayyak 29 (6) Kee (7) Elle Daffeytennal, Sihadayti Baxih Kunnabna Dacrisaanam faxximtam Yascassemih Taagah, AA Kukti Kaaduk Ta Doolatih Madqa Rakiibo Abak Yeyyeqen Kukta Kinnim Qaddoosen.
Ta Malah Buxa Gexisseh Tan Sissik Daffeynal, Madqa, Qadli Kee Demokraasi Caagiidak Maytani Makaado Migaq Baysa Kee Dirab Oyta Kalalitaanam Kee Loysiisoonuh Yeyyeeqen Kukta Gabbaaquh Xayyoseenik Lakal Walal Elle Gexsen.
Tahak Ugut Abak, Mala Buxa Tama Kukta 23 Sadu, 2 Xongolo Sinnimim, Fuli Xongolo Faaticisen.