Naharsi Malak A Sanatah Daabisoonu Waanah Yanin Coor Ma Caddot Geytimam Yabaluh Gufne Abe
Addis Ababa, Qasa Dirri 16, 2012 ILL (FBC) Naharsi Malak Dr. Abiy Acmad A Sanatih Illacabol Agat Caddol Daabisoonuh Ikraaro Akah Yibbixen Coor Ma Caddot Geytima Yabaluh Asaaku Gufne Edde Abe.
Naharsi Malak Dr. Abiy Oromiyah Rakaakayak Sodoreh Dariifal Geytima Coor Elle Yaysubuken Aracal Akkuk Geytimta Taama, Rakaakay Pirezdantih Yan Gifta Shimelis Abdissa Lih Gacak Gufene Abe.
A Sanat 5 Biliyoonih Coor Daabisoonuh Ikraaro Akah Yibbixeenih Geytimaanam Qaddooseh Yan Naharsi Malak Dr. Abiy Acmad, Tahimih Bicah Agat Caddol 38 Alfi Takke Coor Elle Daabisan Fanteenit Bicseenih Geytimaanam Yiysixxige.
Daabisiyyah Ikraaro ZAkah Yibbixen Cooruk Avokaado Kee Mango Edde Geytimtam Warse.
Koroonah Dalkah Fixix Koositaanam Xiiqimtek Ila Waysi AZlsih Garaba Fan Coor Daabisaanamih Tamaa Qimmimelem Dr. Abiy Kassiise.
Tatre Sanat 4 Biliyoonih Coor Agat Caddol Daabimem Kassiiseh Yan Naharsi Malak Dr. Abiy, Meqe Rob Sugem Kee Hanaawi Akah Abeenimiik Ugut Abak Mango Coor Dadleh Yanim Qaddoose.
A Sanat Edde Anuk Ciggilta 4 Sanootah Ila 20 Biliyoonih Coor Agat Caddol Daabisoonuh Taamat Akak Geytimaanam Naharsi Malak Dr. Abiy Yescesse.
Ahim Kaaduk Agat Caddol Garbo Dadal Fayya Hoonuh, Meqe Roob Akah Geytimannah Kaxxa Cato Allelem Warse.