Naharsi Malak Dr. Abiy Tengele Qarab Emereetil Abu Wah Yan Taama Gufnet Itiyoppiyah Xayloh Gaar Kee Tuxxiq Elle Dacrisan Caagiidal Walal Abele – Gifta Nugusu Tilahun
Addis Ababa, Caxah-Alsak 4, 2012 ILL (FBC) Naharsi Malak Dr. Abiy Acmad Tengele Qarab Emereetil Abu Wah Yan Taama Gufnel Tama Baaxol Geytimta Itiyoppiyah xaylo Tallem Faxximta Gaar Kee Geytam Faxximta Tuxxiiqih Caagiidil Walal abelem Qaddoosen.
Naharsi Malak Tengele Qarab Emereetil Abu Wah Yan 3 Ayroh Taama Gufne Caagiida Wagsiisak Naharsi Malaakih Kutbeh Buxak Sekreteriyat Saqalah Yan Gifta Nugusu Tilaahun Maybalaalaqa Yece.
Tama Maybalaalaqal, Naharsi Malak Abu Wah Yan Gufnet 15 Alfi takke Itiyoppiyah Xaylo Lih Walal Abelem Warse.
Baaxo Xaylok Kinnabna Keenih Dacrisak, Lon Ceelo Keenih akah Daccarsimanna Kee Isinni Kinnaanel Kaxxiinitak Akah Taamitan Innah Abta Walalitte Baaxo Xaylo Kee Mirocti Lih Walalelem Qaddoose.
Baaxo Xaylo Madqa Gital Faxximtam Kibak Akah Taamitan Innah Abaanama Kalah, Madqa Sittin Gey Fanti Maacih baaxoxa Lih Abelem Gifta Nugusu Tilaahun Yeceh Yan Maybalaalaqal Yiysixxige.
Tahak Ugut Abak, Aham Fanah Urdun, Kuwatar, Saqud Qarabiya Kee Tengele Qarab Emereeti Lih Sittin Gey Abeenim Warse.
Tama Sittin Gey, Baaxo Xaylol Tanih Tan Taqabitteh Calli Geysiiselem Kee Abinal Walal Akkelem Gifta Nugusu Yeceh Yan Maybalaalaqal Qaddoose.
Doolat Awayi Waktil Baaxo Xayloh Hangi Aba Diploomasi Caagiidil Hangi Abeemik Ugut Abak, Aham Fanah 100 Alfi Takke Baaxo Xaylo Isinni Baaxo Fan Akah Yaduuren Innah Abaanam Xiqqimtem Yiysixxige.