Rakaakay Caddol Akkuk Geytimta Koronah Kalali Taama Kee Ciggiilak Takkem Faxxinta Afkanittel Walal Gexisak Geytiman

Addis Ababa, Qado Dirri 28, 2012 Ill (FBC) Rakaakayak Naharsi Saqal Gifta Awwal Qarba Miraacisah Yan Koronah Vayresih Dalkah Kalali Makaado Abak Geytinta Taamoomi Kee Ciggiilak Raqte Taamay Takkem Faxxinta Afkanittel Samarâ Magaalal Walal Gexisak Geytiman.

Taa Walal Kaaduy Koronah Kalaluh Takkem Faxxinta Ummattah Aynababadih Taamoomiy Elle Diggowtam Faximta Gurritteh Afkan Elle Daffesen.

Tamaha Lihy 34 Daqaaray, 5 Magaalâ Xinissoh Caddibnal Ummattah Aynabaabad Taama Abaanam Elle Duudan Gurral Rakaakayak Fayya Le Miraacinuh Afakan Acayuk Daqoorit Fanah Akah Ooban Innah Tekkeh Tanim Kee Ta Fayya Le Miraacinni Kaadu Kulli Daqoorit Caddibanal Takkeh Tan Aynabaabad Taamoomi Kattaatak Umatta Ta Dalka Wagsiisak Baritto Akah Geytannah Fidinuk Elle Taamittonu Waanah Yaniinim Rakaakayak Naharsi Saqal Gifta Awwal Qarba Kassiise.

Kulli Gammik Qafar Cududih Fanah Culussah Tan Aroocal Takkem Faxximta Lowsis Taamoomiy Kaadu Diggoysaanam Faxximtam Daffeyteh.

Gaddi Gaboyssoh Caddol Takkem Faxximtta Gadda Gaaboysaanamih Gexisit Kulli Caddol Tellemmo Abeenitiy, Ayyunta Kee Meqem Abittoh Missoynani Dudda Haytaamal Qaafiyat Dacayrih Uwwih Qokol Takkuy, Maaqiddah Faxximtaamih Qokol Takkuuy, Tonnah Kaaduy Maali Cato Abitam Faxah Yan Marah Kaadu Tahih Fakkiimeh Yan Akkawntit Akah Culsaan Innah Taamomiy Elle Takkem Faximtaamih Afkan Elle Yecen.

Ta Koronah Kalauh Fakkiime Akkawuntik Tu Gacteki [Qafar Agatih Rakaakayih Doolatak Maaliyya Kee Maddur Biirok Koronah Dalkah Kalali 1000327670763 Kinnim Qaddoosen.

Ellacabol Kaaduy Tellemo Abeenit Gita Malinooh Baxaabaxsa Le Maaqidda Kee Uwaytittit Abaanaah Yanin Melleb Ossotina Abtah Tan Dukaakin Kee Badaqaat Aroocat Umattalluk Cattiimaak Maaqatta Elle Diggoysanam Faximttam Kassiisen.

Raceyna:- Rakaakayak Doolat Angaarawih Caagiidah Kutbeh Buxa