Taturteh Tan 24 Saaqatih Addat 3 Alfi 707 Numuk Laboratoori Fokkaaqo Abak 15 Numul Koroonah Vayres Geytime
Addis Ababa, Laqinik 07, 2012 ILL (FBC) Taturteh Tan 24 Saaqatih Addat 3 Alfi 707 Numuk Aben Laboratoori Fokkaaqol 15 Numul Koroonah Vayres Geytimem Qaafiyat Malaakah Tan Dr. Liya Taddese Qaddosse.
Dr. Liya Taddese Elle Qaddossennal, Ta Vayresit Yibbixsime Mari Inkih Itiyoppiyah Xaylo Kinnuuk Inkih Lab Mara Kinnoonum Kassiisaak Tama Mari 17 Karmaak Ila 38 Karmat Yan Mara Kinnim Kassisse.
Tama Marih Fanak 8 Num Addis Ababa, 2 Num Benishangul Gumuzuk Guuba Deeliyyi Fanteenal, 1 Num Qafar Rakaakayak Samarak Deeliyyi Fanteenak, Tonnah 3 Num Kaaduk Somalih Rakaakayak Jijjigak Deeliyyi Fanteenal Suge Mara Kinnim Qaddowte.
Ta Vayresit Yibbixsimeh Yan Marih Fanak 7 Num Iro Baaxoh Safar Luk Sugeenim Kassiisaak 7 Num Kaaduk Tama Dalkat Yibbixsime Mara Lih Angaaraw Luk Suge Mara Kinnim Kee 1 Num Kaaduk Biyak Le Mara Lih Angaaraw Takku Iro Baaxoh Safar Luk Suge Weem Warsen.
Kimaalih Ayro 4 Yakke Qusba Mari Tama Dalkak Qaffooteh Yanim Yiysixxigen.
Ahak Ugut Abak Itiyoppiyah Caddol Koroonah Vayresik Qaffote Marih Qadad 112 Gufeh Geytima.
168 Yakke Mari Kaaduk Koroonah Vayresih Dalkat Abbixsimuk Dayli Kattaatu Abak Geytiman.