Fana: At a Speed of Life!

የሲዳማ ክልል ለመከላከያ ሰራዊት 105 ሚሊየን ብር ድጋፍ አደረገ

አዲስ አበባ፣ ህዳር 20፣ 2014 (ኤፍ ቢ ሲ) አሸባሪው ህወሓት እና ምዕራባውያን የከፈቱብንን ጦርነት አሸንፈን ነፃነታችን እስከሚረጋገጥ በተለያዩ መንገዶች የምናደርገውን ድጋፍ አጠናክረን እንቀጥላለን አሉ የሲዳማ ክልል ርዕሰ መስተዳድር አቶ ደስታ ሌዳሞ።
 
ከሀዋሳ ከተማና በሲዳማ ክልል ከሚገኙ ወረዳዎች በአይነትና በጥሬ ገንዘብ የተሰበሰበ በአጠቃላይ 105 ሚሊየን ብር ለመከላከያ ሠራዊትድጋፍ ተደርጓል።
 
የሲዳማ ክልል ርዕሰ መስተዳድር አቶ ደስታ ሌዳሞ አሸባሪው ህወሓት አገራችንን ለመበተን እና ሉዓላዊነቷን ለማስደፈር ከውጭ ሃይሎች ጋር በመቀናጀት የከፈተብንን ጦርነት ኢትዮጵያን እየፈታተነ ይገኛል ብለዋል።
 
የጠላትን አሰላለፍ ከግንዛቤ በማስገባት የክልሉ ነዋሪዎች ላድረጉት ድጋፍ ምስጋና ያቀረቡት ርዕሰ መስተዳድሩ፥ ይህን ትብበር አጠናክሮ በማስቀጠል የጠላትን ግብዓተ መሬት ማፋጠን ይኖርብናል ነው ያሉት።
የጠላት ተላላኪዎች በአገር ውስጥ በተለያዩ አካባቢዎች እና ከአገር ውጭ መኖራቸውን ተገንዝበን እኩይ ተግባራቸውን በመቃወም አካባቢያችንን በመጠበቅ፣ እስከ ግንባር በመዝመትና መከላከያ ሠራዊትን በመደገፍ ይህንን የእናት ጡት ነካሽ ጠላት ማስወገድ እንደሚገባም ጠቁመዋል።
 
ክልሉ ለመከላከያ ሠራዊት ድጋፍ ሲያደርግ ይህ ሦስተኛ ዙር ሲሆን÷በአሁኑ ድጋፍ በአይነት 25 ሚሊየን ብር በገንዘብ ደግሞ 80 ሚሊየን ብር በአጠቃላይ 105 ሚሊየን ብር ድጋፍ መደረጉ ተመላክቷል።
 
በታምራት ቢሻው
 
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.