Fana: At a Speed of Life!

ወንጪ ሐይቅ ምርጥ የቱሪዝም መንደር ሆኖ ተመረጠ

አዲስ አበባ፣ ህዳር 23፣ 2014 (ኤፍ ቢ ሲ) በስፔን ማድሪድ እየተካሄደ በሚገኘው በ24 ኛው የዓለም የቱሪዝም ድርጅት ጠቅላላ ጉባኤ ላይ ወንጪ ሐይቅ የ2021 ምርጥ የቱሪዝም መንደር ሆኖ ተመረጠ።

በኦሮሚያ ክልል ደቡብ ምዕራብ ሸዋ የሚገኘው ወንጪ ሐይቅ ከ170 የቱሪዝም መንደሮች መካከል ቀዳሚ ሆኖ መመረጡ በጉባኤው ላይ ይፋ ተደርጓል።

ድንቅ የተፈጥሮ ሃብት ባለቤት የሆነው የወንጪ ሃይቅ ምርጥ የቱሪዝም መንደር ሆኖ የተመረጠው ባለው ዕምቅ የተፈጥሮ ሃብት ነመሆኑን የቱሪዝም ሚኒስትር አምባሳደር ናሲሴ ጫሊ ተናግረዋል፡፡

ወንጪ ሐይቅ ምርጥ የቱሪዝም መንደር ሆኖ በመመረጡ ‘እንኳን ደስ ያለን’ ያሉት ሚኒስትሯ÷ የአካባቢውን የተፈጥሮ ጸጋ ተንከባክበው ለዚህ እንዲበቃ ላስቻሉት የአካባቢው ነዋሪዎችና ሌሎች ባለድርሻ አካላት ምስጋና አቅርበዋል።

ለተፈጥሮ ሃብቱ እንዲህ ዓይነት ዓለም አቀፍ እውቅና መሰጠቱ ለሌሎችም አርዓያ የሚሆንና የበለጠ ለመስራት የሚያነሳሳ መሆኑንም ጠቅሰዋል።
መንግስት ከፍተኛ ትኩረት ከሰጣቸው ዘርፎች መካከል አንዱ ቱሪዝም መሆኑን ገልጸው÷ ማህበረሰብ ተኮር የሆነ ዘላቂ የቱሪዝም ልማት ስራዎች እንደሚሰሩ መናገራቸውን ኢዜአ ዘግቧል።

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.