Fana: At a Speed of Life!

የጠቅላይ ሚኒስትሩን “ወደ አገር ቤት እንግባ” ጥሪ የኢትዮጵያ ዳያስፖራ የተግባር ምክር ቤት አጋር ሆኖ ያስተባብራል

አዲስ አበባ ፣ ህዳር 24 ፣ 2014 (ኤፍ ቢ ሲ) የጠቅላይ ሚኒስትር ዐቢይ አሕመድን “ወደ ሀገር ቤት እንግባ” ጥሪ የኢትዮጵያ ዳያስፖራ የተግባር ምክር ቤት አጋር ሆኖ ለማስተባበር ዝግጁ መሆኑን አስታወቀ።
ጠቅላይ ሚኒስትሩ በመላው ዓለም የሚገኙ ኢትዮጵያውያን፣ ትውልደ ኢትዮጵያውያን እና የኢትዮጵያ ወዳጆች ወደ አገር ቤት በመግባት በዓላቶችን እንዲያከብሩ ጥሪ ማቅረባቸው ይታወቃል።
1 ሚሊየን ዲያስፖራዎች ወደ አገር ቤት እንዲገቡ የቀረበውን ጥሪም የኢትዮጵያ ዳያስፖራ የተግባር ምክር ቤት አጋር ሆኖ ለማስተባበር ዝግጁ መሆኑን አስታውቋል።
የኢትዮጵያ ዲያስፖራ የተግባር ምክር ቤት ለኢዜአ በላከው መግለጫ እንዳስታወቀው የቀረበውን ግብዣ በመደገፍ ለተግባራዊነቱ አብሮ ለመስራት ዝግጁ መሆኑን አረጋግጧል።
ዳያስፖራው ወደ አገር ውስጥ በመግባት የቱሪዝም ኢንዱስትሪውን ለማሳደግና ለማዘመን የራሱን አሻራ እንዲያስቀምጥ ለማድረግ ወሳኝ መሆኑን ምከር ቤቱ አመላክቷል።
አሸባሪው ህወሓት ከውጭ ጠላቶች ጋር በመቀናጀት አገር ለማፍረስ የከፈተውን ጦርነት ለመቀልበስና አገር ለማዳን በሚደረገው ትግል በመሳተፍ የቀረበውን ጥሪ በመቀበል አጋር ሆኖ ለማስተባበር ዝግጁ እንደሆነም ገልጿል።
ጠቅላይ ሚኒስትር ዐቢይ አሕመድ በአውደ ግንባር እየመሩት ባለው “ዘመቻ ለህብረ ብሄራዊ አንድነት” የኢትዮጵያ አሸናፊነት ይረጋገጣል ያለው የምክር ቤቱ መግለጫ በሰራዊቱ የጀግንነት ተጋድሎና ድል ኮርቷል ብሏል።
በኢትዮጵያ ላይ የተደቀነውን የህልውና አደጋ ለመቀልበስና ሰላም ለማረጋገጥ የመንግስትን ጥሪ ተቀብሎ ዳያስፖራው ወደ ሀገሩ እንዲገባ ምክር ቤቱ ጥሪ አቅርቧል።
በመጪው ታህሳስ 29 ቀን 2014 ዓ.ም 1 ሚሊየን ሰዎች ወደ ሀገር ቤት እንዲገቡ በመንግስት በኩል ዝግጅት እየተደረገ ይገኛል።
 
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.