Fana: At a Speed of Life!

በሎስ አንጀለስ በአሸባሪው ህወሃት ለተፈናቀሉ ዜጎች ድጋፍ የሚውል 640 ሺህ ዶላር ተሰበሰበ

አዲስ አበባ፣ ህዳር 27፣ 2014 (ኤፍ ቢ ሲ) በአሜሪካ ሎስ አንጀለስ በአንድ ምሽት በተካሄደ የገቢ ማሰባሰቢያ መርሃ ግብር በጦርነቱ ምክንያት ለተፈናቀሉ ዜጎች የሚውል 640 ሺህ ዶላር ተሰበሰበ።
 
በመርሃ ግብሩ በአሜሪካ የኢትዮጵያ አምባሳደር ፍጹም አረጋ፣ ጋዜጠኛ ሄርሜላ አረጋዊ፣ በሎስ አንጀለስ የሚኖሩ የኢትዮጵያ ዳያስፖራ ማኅበረሰብ አባላትና ጥሪ የተደረገላቸው እንግዶችን ጨምሮ 500 ሰዎች ተሳትፈዋል።
 
ገንዘቡ በጨረታ፣ በጠቅላይ ሚኒስትር ዐቢይ አሕመድ፣ በጋዜጠኛ ሄርሜላ አረጋዊና በሌሎች ታዋቂ ሰዎች ስም እንዲሁም በተለያዩ የገቢ ማሰባሰቢያ አማራጮች መሰብሰቡ ተገልጿል።
 
የተሰበሰበው ገንዘብ በቅርቡ ወደ ኢትዮጵያ እንደሚላክ ኮሚቴውን ዋቢ ያደረገው የኢዜአ ዘገባ ያመላክታል።
 
በሎስ አንጀለስ እና አካባቢው የሚገኙ ኢትዮጵያውያንና ትውልደ ኢትዮጵያውያን በተለያዩ መስኮች ለኢትዮጵያ የሚያደርጉትን ድጋፍ አጠናክረው እንደሚቀጥሉ መግለጻቸውም ተነግሯል።
 
ባለፈው ሳምንት በአሜሪካ ሳክራሜንቶ ከተማ በተካሄደ የገቢ ማሰባሰቢያ መርሃ ግብር 250 ሺህ ዶላር መሰብሰቡ የሚታወስ ነው።
 
በአንድ ሳምንት ውስጥ በካሊፎርኒያ ግዛት በሚገኙት ሎስ አንጀለስ እና ሳክራሜንቶ ከተሞች በተካሄዱ የገቢ ማሰባሰቢያ መርሃ ግብሮች በድምሩ 890 ሺህ ዶላር መሰብሰብ ተችሏል።
 
አካባቢዎን ይጠብቁ!
 
ወደ ግንባር ይዝመቱ!
 
መከላከያን ይደግፉ!
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.