Fana: At a Speed of Life!

በሰብዓዊ መብት ጥበቃ ስም በውስጥ ጉዳይ ጣልቃ ለመግባት የሚደረግ ሙከራን ኢትዮጵያ አትቀበልም-ዶ/ር ጌዲዮን

አዲስ አበባ፣ ህዳር 29፣ 2014 (ኤፍ ቢ ሲ) በሰብአዊ መብት ጥበቃ ስም በውስጥ ጉዳይ ላይ ጣልቃ ለመግባት የሚደረግን ሙከራ ኢትዮጵያ እንደማትቀበል የፍትህ ሚኒስትሩ ዶ/ር ጌዲዮን ጢሞቲዎስ አስታወቁ፡፡
 
ዶክተር ጌዲዮን መቀመጫቸውን በጄኔቫ ላደረጉ የአፍሪካ አምባሳደሮች ቡድን በኢትዮጵያ ስላለው የሰብአዊ መብት አያያዝ ጉዳይ ላይ ማብራሪያ ሰጥተዋል፡፡
 
በማብራሪያቸውም በኢትዮጵያ ስላለው ሰብዓዊ መብት ጉዳይ አስመልክቶ በአለም አቀፍ ሚዲያዎች የሚስተጋቡት ውንጀላዎች እና አደገኛ ንግግሮችን ምንም አይነት እውነትነት የሌላቸውን የሰብዓዊ መብትን ጉዳይ እንደ ፖለቲካ መሳሪያ ለመጠቀም የሚፈልጉ አገራት የሚያሰራጩት መሰረተ ቢስ ውንጃላ ናቸው።
 
በዚህም በኢትዮጵያ የውስጥ ጉዳይ ላይ የሰብዓዊ መብት ጥበቃን ሽፋን በማድረግ በውስጥ ጉዳይ ለመግባት የሚደረግ ሙከራን ኢትዮጵያ አትቀበልም ብለዋል።
 
እንደዚህ አይነት ጣልቃ ገብነት የሰብዓዊ መብት አጀንዳዎችን ለማራመድ የሚደረገውን እውነተኛ ጥረት የሚጎዳ መሆኑንም ጠቁመዋል።
 
የተባበሩት መንግሥታት የሰብዓዊ መብቶች ኮሚሽን እና የኢትዮጵያ ሰብዓዊ መብቶች ኮሚሽን በጋራ ባጣኑት የሪፖርት ግኝቶች ላይ መንግስት አንዳንድ ጥርጣሬዎች ቢኖሩትም የቀረቡት የውሳኔ ሃሳቦች ሙሉ በሙሉ በመቀበል በፍጥነት እንዲተገበሩ ለማድረግ የሚኒስትሮች ግብረ ሃይል ማቋቋሙን ገልጸዋል።
 
በኢትዮጵያ በዴሞክራሲያዊ መንገድ የተመረጠን መንግስት በሃይል ለማስወገድ የሰብዓዊ መብትን በሽፋን የመጠቀም የሴራ ፍላጎት ኢትዮጵያ እንዳማትቀበል አብራርተውላቸዋል፡፡
 
ይህንንም የሚያደርጉት የአሸባሪ ቡድኖችን የሀገር ክህደት በመፈጸም ወንጀል እንዲሰሩ በማድርግ መሆኑን በአጽዕኖት መግለጻቸውን ኢዜአ ዘግቧል፡፡
 
የሰብዓዊ መብቶች ጉዳይ የሚያሳስባቸው ወገኖች ካሉ መስራትና መተባበር ያለባቸው በዘርፉ እምርታን ለማስመዝገብ ከሚጥረው የኢትዮጵያ መንግሥት ጋር ሊሆን ይገባል ሲሉም ጥሪ አቅርበዋል፡፡
 
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.