Fana: At a Speed of Life!

በርካታ ህገ-ወጥ የአገር ውስጥና የውጭ አገር ገንዘቦች ተያዙ

አዲስ አበባ ፣ ህዳር 30 ፣ 2014 (ኤፍ ቢ ሲ) የኢትዮጵያ ፌደራል ፖሊስ ኮሚሽን ከፋይናንስ ደህንነት አገልግሎት ጋር በጋራ በመቀናጀት ሰሞኑን 42 የግለሰብ መኖሪያ ቤቶች ላይ ባደረገው ፍተሻ በርካታ ህገ-ወጥ የአገር ውስጥና የውጭ አገር ገንዘቦች መያዙን አስታወቀ።
ከተያዙ ህገ-ወጥ ገንዘቦች ጋር በተገናኘ ስምንት ተጠርጣሪዎች በቁጥጥር ስር ውለው ምርመራ እየተካሄደባቸው ነው ብሏል።
ግለሰቦቹ የብሔራዊ ባንክ መመሪያን በመተላለፍ 1 ሚሊየን 363 ሺህ 170 ብር፣ በርካታ የአሜሪካ ዶላር እና የተለያዩ አገራት ገንዘቦችን ይዘው መገኘታቸውን የኮሚሽኑ መረጃ ያመላክታል።
አገር የምታድገው ህገ ወጥ ተግባራትን መግታት ሲቻል መሆኑን በመረዳት ዜጎች ገንዘባቸውን በህጋዊ መንገድ በባንኮች በኩል ማንቀሳቀስ እንዳለባቸው ያሳሰበው ፖሊስ÷ ህገ-ወጥ የገንዘብ ዝውውርን ለመከላከል እና የጥቁር ገበያን ለማስቆም ለሚደረገው ጥረት ከፖሊስ ጋር በመሆን ኃላፊነታቸውን እንዲወጡ ጠይቋል፡፡
የኢትዮጵያ ፌደራል ፖሊስ ይህንንና መሰል ህገ-ወጥ ተግባራትን ለመከላከል ከፋይናንስ ደህንነት አገልግሎት እና ከሌሎች የፀጥታ አካላት ጋር የሚያከናውነውን ወንጀልን የመከላከል ተልእኮ አጠናክሮ እንደሚቀጥልም አስታውቋል፡፡
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.