Fana: At a Speed of Life!

ከቤት ንብረታቸው ለተፈናቀሉ ዜጎች ከ10 ሚሊየን ብር በላይ የሚገመት ድጋፍ ተደረገ

አዲስ አበባ፣ ታህሳስ 3፣ 2014 (ኤፍ ቢ ሲ) ከቤት ንብረታቸው ለተፈናቀሉ ዜጎች ከ10 ሚሊየን ብር በላይ የሚገመት ድጋፍ ተደረገ፡፡
የአማራ ክልል መልሶ ማቋቋምና ልማት ድርጅት (አመልድ) ከቤት ንብረታቸው ለተፈናቀሉ ዜጎች 5 ሚሊየን ብር የሚያወጣ የአይነት ድጋፍ አድርጓል።
የድርጅቱ የምግብ አስተዳደርና አስቸኳይ ጊዜ ፕሮግራም ዳይሬክተር መሃመድ ኡስማን÷ ድጋፉ ከተለያዩ አካባቢዎች ተፈናቅለው በደብረብርሃን ከተማ ለሚገኙ ተፈናቃዮች የተደረገ ነው ብለዋል።
ከ2 ሺህ ኩንታል በላይ የሚሆነው ምግብ ነክ ድጋፍም ሲ አር ኤስ ከተሰኘ ግብረ ሰናይ ድርጅት የተገኘ መሆኑን ተናግረዋል አቶ መሃመድ።
በተመሳሳይ የጋምቤላ ክልል አኝዋክ ብሔረሰብ ዞን ለተፈናቃይ ወገኖች 4 ነጥብ 5 ሚሊየን ብር የሚገመት የምግብ ነክ ድጋፍ አድርጓል።
የዞኑ ዋና አስተዳዳሪ አቦሙ ጁሉ÷የጋምቤላ ክልል መንግስት በተለያየ ጊዜ ለተፈናቀሉት ዜጎች ድጋፍ ማድረጉን አንስተው አሁንም ድጋፉን አጠናክረን እንቀጥላለን ነው ያሉት።
ድጋፉን የተረከቡት የሰሜን ሸዋ ዞን አደጋ መከላከልና ምግብ ዋስትና ተጠሪ ፅህፈት ቤት ሃላፊ አቶ አበባው መሰለ÷ ለተደረገው ድጋፍ ምስጋና አቅርበዋል ።
በሌላ በኩል የደቡብ ክልል በደቡብ ኦሞ ዞን ዳሰነች ወረዳ ለተፈናቀሉ ወገኖች የሚውል 5 ነጥብ 3 ሚሊየን ብር የሚገመት የአይነት ድጋፍ አድርጓል።
በክልሉ በምክትል ርዕሰ መስተዳደር ማዕረግ የገጠር ልማት ዘርፍ አስተባባሪና የግብርና ቢሮ ሀላፊ አቶ ኡስማን ሱሩር፥ እኛ ኢትዮጵያውያን በማንኛውም ችግር ውስጥ ሆነን ዜጎች ተቸግረው የማናይ ለችግረኞች የምንደርስ የምንደጋገፍና ህብረታችንን የምናሳይ ህዝቦች ነን ሲሉ ተናግረዋል፡፡
በአይናለም ስለሺ ተጨማሪ መረጃ ከደቡብ ክልል መንግስት
ኮሙዩኒኬሽን
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.