Fana: At a Speed of Life!

ከንቲባ አዳነች አቤቤ ለመዲናዋ ህዝባዊ ሰራዊት ምስጋና አቀረቡ

አዲስ አበባ፣ ታህሳስ 3፣ 2014 (ኤፍ ቢ ሲ) የአዲስ አበባ ከተማ አስተዳደር ከንቲባ ወይዘሮ አዳነች አቤቤ በንፋስ ስልክ ላፍቶ ክፍለ ከተማ በመገኘት ምሽቱን አከባቢያቸውን የሚጠብቁ ነዋሪዎችን ስራ ጎብኝተዋል።

በምሽቱ ጉብኝት የንፋስ ስልክ ላፍቶ ክፍለ ከተማ ዋና ስራ አስፈጻሚ ወይዘሮ ነፃነት ዳባ እንዲሁም ሌሎች የከተማና የክፍለ ከተማው ከፍተኛ አመራሮች ተገኝተዋል፡፡

ይህን ተከትሎ ከንቲባዋ በማህበራዊ ትስስር ገፃቸው ባስተላለፉት መልዕክት÷ ማምሻዉን በተለያዩ የመዲናችን አካባቢዎች ተንቀሳቅሼ ህዝባዊ ሰራዊት የአካባቢያቸውን ሰላምና ደህንነት ለማስጠበቅ ያለአንዳች መዘናጋት በተጠንቀቅ የአካባቢያቸውን ሰላም እያስጠበቁ ፤ አካባቢያቸውን እየቃኙ እያደረጉት ያለውን የተናበበ ፤ የተቀናጀ እንቅስቃሴ ተመልክቻለዉ ብለዋል ።

ይህ ስራ ከተጀመረ ወዲህ የየአካባቢያውን ሰላምና ደህንነት ከማስጠበቅ በተጨማሪ በተለያዩ አካባቢዎች ይሰሩ የነበሩ የንጥቂያና መሰል ወንጀሎች መቀነስ ስራቸው ምን ያህል ፍሬያማ እንደሆነ ማሳያ ነው ሲሉም አስፍረዋል።

የየአካባቢው ማህበረሰብም ምግብና አስፈላጊ ቁሳቁሶችን በማቅረብ እናበርታችሁ ማለታቸውም የሚያስመሰግን መሆኑን ተናግረዋል፡፡

በዚህም እያበረከታችሁት ላለው ታላቅ ተግባር ሁላችሁንም በራሴና በከተማው አስተዳደር እንዲሁም በመላው ሰላም ወዳዱ የከተማችን ነዋሪዎች ስም ሳላመሰግን አላልፍም ነው ያሉት።

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

You might also like

Leave A Reply

Your email address will not be published.