Fana: At a Speed of Life!

የተለያዩ ተቋማት ከ7 ሚሊየን ብር በላይ የሚገመቱ ድጋፎችን ለመከላከያ ሰራዊት አበረከቱ

አዲስ አበባ፣ ታህሳስ 4፣ 2014 (ኤፍ ቢ ሲ) የተለያዩ ተቋማት ከ7 ሚሊየን ብር በላይ ሚገመቱ ድጋፎችን ለጀግናው የአገር መከላከያ ሰራዊት አበረከቱ፡፡

የቅዱስ ጳውሎስ ሆስፒታል ሚሊኒየም ሜዳካል ኮሌጅ በወሎ ግንባር ለተሰለፈው የአገር መከላከያ ሠራዊት ዋጋቸው ከ3 ሚሊየን ብር በላይ የሚገመት 6 ሺህ ብርድ ልብሶችን ድጋፍ አደረገ።

ድጋፉን ያስረከቡት የኮሌጁ የንብረት አስተዳደር እና ጠቅላላ አገልግሎት ዳይሬክቶሬት ዳይሬክተር አቶ ተስፋ አዘዝ ÷ አሸባሪውን እና ወራሪውን የህውሓት ቡድን ኢትዮጵያ ራሷን ችላ እንዳትቆም ዜጎቿን በዘር ማንነት በመከፋፈል የራሱን ጥቅም ሲያሳድድ የነበረ አደገኛ ፀረ-ኢትዮጵያ ቡድን ነው ብለዋል።

የምዕራብ ዕዝ ከፍተኛ አመራር በበኩላቸው ÷ በሁሉም የኢትዮጵያ አካባቢዎች የሚኖሩ ዜጎች በወሎ ግንባር ለተሰለፈው የአገር መከላከያ ሠራዊት ድጋፍ እያደረጉ ይገኛሉ።

በተጨማሪም መደ ወላቡ ዩኒቨርሲቲ ለመከላከያ ሰራዊት ከ2 ነጥብ 8 ሚሊየን ብር በላይ በጥሬ ገንዘብ እና በዓይነት ድጋፍ ያደረገ ሲሆን ÷ በድጋፉ ወቅት በመደ ወላቡ ዩኒቨርሲቲ የአካዳሚክ ም/ፕሬዚዳንት ዶ/ር በዛብህ ወንድሙ የኢትዮጵያ ህልውና እስኪረጋገጥ ድረስ ድጋፉ እንደሚቀጥል ተናግረዋል፡፡

የመከላከያ ፋይናንስ ዘርፍ ሚኒስትር ዴኤታ ወ/ሮ ማርታ ሉዊጂ ÷ ድጋፉ ለሰራዊቱ ትልቅ የሞራል ስንቅ በመሆኑ ለተደረገው ድጋፍ ማመስገናቸውን ከመከላከያ ሠራዊት ያገኘነው መረጃ ያመለክታል፡፡

በተመሳሳይ የአማራ ክልል ኤሌክትሪክ አገልግሎት ሠራተኞች ሀገርና ህዝብን ለመጠበቅ ዘመቻ ላይ ለሚገኘው ለጀግናው መከላከያ ሠራዊትና ለክልል የፀጥታ ኃይሎች የሚውል 700 ሺህ ብር ግምት ያለው የአይነት ድጋፍ አደረጉ፡፡

ድጋፉም ስምንት ሰንጋዎች፣ አልባሳት፣ ምግብና የንፅህና መጠበቂያዎችን ያካተተ ሲሆን ÷ ድጋፉንም በተወካዮች በኩል በግንባር በመገኘት ርክክብ ተደርጓል፡፡

የክልሉ ሰራተኞች ነፃ የሆኑ ከተሞች ኤሌክትሪክ እንዲያገኙ ከመስራት ባሻገር÷ አሸባሪውን ህወሓት እየተፋለመ ለሚገኘው ሰራዊት ከደመወዛቸው ተቆርጦ ድጋፍ እንዲደረግም መወሰናቸውን ከኤሌክትሪክ አገልግሎት ያገኘነው መረጃ ያመለክታል፡፡

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.