Fana: At a Speed of Life!

የተመድ የሰብዓዊ መብቶች ምክር ቤትን አንዳንድ ሀገራት ለራሳቸው የፖለቲካ አጀንዳ ማስፈፀሚያ መጠቀማቸው እንዳሳዘናት ኢትዮጵያ ገለፀች

አዲስ አበባ፣ ታህሳስ 4፣ 2014 (ኤፍ ቢ ሲ) የተመድ የሰብዓዊ መብቶች ምክር ቤትን አንዳንድ ሀገራት ኢትዮጵያን በተመለከተ የራሳቸውን የፖለቲካ አጀንዳ ለማራመድ እየተጠቀሙበት ነው ሲል የኢፌዴሪ የውጭ ጉዳይ ሚኒስቴር አስታወቀ።
ይህ ሁኔታ እጅግ እንዳሳዘነውም ሚኒስቴሩ ማምሻውን ባወጣው መግለጫ አስታውቋል።
የተመድ የሰብዓዊ መብት ከፍተኛ ኮሚሽንና የኢትዮጵያ ሰብዓዊ መብቶች ኮሚሽን ተፈፅመዋል በተባሉ ጥሰቶች ላይ በጋራ ጥናትና ምርመራ አድርገው የጋራ ሪፖርት ማውጣታቸውን መግለጫው አስታውሷል።
መንግስት ይህ የድርጅቶቹ የጋራ ሪፖርት ውጤትን ተቀብሎ ከፍተኛ የሚኒስትሮች ግብረሃይል አቋቁሞ ምክረ ሀሳቦችን ለመተግበር እየሰራ መሆኑን ጠቁሟል።
ይህ በሆነበት ሁኔታ አንዳንድ የተመድ የሰብዓዊ መብቶች ምክር ቤት አባል ሀገራት ኢትዮጵያን በተመለከተ የራሳቸውን የፖለቲካ አጀንዳ በመያዝ እና ይህንንም አጀንዳቸውን በምክር ቤቱ በኩል ለመፈፀም ምክር ቤቱ በጉዳዩ ላይ ልዩ ስብሰባ እንዲያደርግ በመጥራት ላይ መሆናቸውን አንስቷል።
ይህ ሁኔታ የኢትዮጵያን መንግስት በእጅጉ እንዳሳዘነው ነው ያስታወቀው።
ይልቁንም ምክር ቤቱ አሸባሪው የህወሃት ቡድን በአማራ እና አፋር ክልሎች የፈፀማቸውን እጅግ ዘግናኝ የሰብዓዊ መብት ጥሰቶችን አጀንዳ አድርጎ ሊወያይና ሊያወግዘው በተገባ ነበር ብሏል።
የምክር ቤቱ አባል ሀገራትም ይህንን የተወሰኑ ሀገራትን የፖለቲካ ፍላጎት ያነገበን ልዩ ስብሰባ እና ውጤቱን በጥብቅ እንዲቃወሙ የኢፌዴሪ የውጭ ጉዳይ ሚኒስቴር በአጽንኦት ጠይቋል።
የኢትዮጵያ መንግስት በዓለም አቀፉ ህግ መሰረት ሰብዓዊ መብቶችን ለማክበር፤ ለማስከበርና ለማሟላት ያለውን ቁርጠኝነት ለሰብዓዊ መብቶች ምክር ቤት አባላትና ለዓለም አቀፉ ማህበረሰብ ዳግም ለማረጋገጥ ይወዳል ሲልም በመግለጫው አስገንዝቧል።
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.