Fana: At a Speed of Life!

ጠ/ ሚ ዐቢይ ለዳያስፖራው ያቀረቡት ጥሪ የኢትዮጵያን ገጽታ የሚቀይር ነው – ምሁራን

አዲስ አበባ፣ ታህሳስ 5፣ 2014 (ኤፍ ቢ ሲ) ጠቅላይ ሚኒስትር ዐቢይ አሕመድ ለዳያስፖራው ወደ አገር ቤት እንዲገባ ያቀረቡት ጥሪ የኢትዮጵያን ገጽታ የሚቀይር ምቹ አጋጣሚ በመሆኑ ፈጣን ምላሽ መስጠት ይገባል ሲሉ በጀርመንና በአየርላንድ የሚገኙ ኢትዮጵያውያን ምሁራን ተናገሩ።

ከፋና ብሮድካስቲንግ ኮርፖሬት ጋር በበይነ መረብ ቆይታ ያደረጉት በጀርመን የምጣኔ ሀብት ተመራማሪ ዶክተር ጸጋዬ ደግነህ፥ በዚህ ወሳኝ ወቅት ጠቅላይ ሚኒስትር ዐቢይ 1 ሚሊየን ዜጎች ወደ አገር ቤት እንዲገቡ ጥሪ ማቅረባቸው በውጭ ለሚኖረው ኢትዮጵያዊ ሁሉ ለአገሩ ያለውን ፍቅር የሚያሳይበት ምቹ አጋጣሚን የፈጠረ መሆኑን ተናግረዋል ።

በዓለም አቀፍ መገናኛ ብዙኃኖቻቸው ጭምር በተሳሳተ መረጃ ኢትዮጵያን ሊያጣጥሉ ለሞከሩ ሁሉ በጎ መልስን የሚሰጥ ታሪካዊ ጉዞ ነው ብለዋል ።

በአየርላንድ ዩኒቨርሲቲ የማህበራዊ ሳይንስ መምህሩ እና የሶስተኛ ዲግሪ ተማሪ አቶ ንጋቱ አበበ በበኩላቸው ÷ ዳያስፖራው ለገና ወደ ኢትዮጵያ መምጣት በኢኮኖሚ ጫናዎች ተጽእኖ ለመፍጠር ለሚሰሩት ሀይሎች ሁሉ መልእክት የሚያስተላልፍ መሆኑን አንስተዋል ።

በአጠቃላይ ምሁራኑ በውጭ የሚኖረው ዳያስፖራ ከመቼውም ጊዜ በተለየ አገሩን ወደ ሰላምና መረጋጋት ለመውሰድ ቆርጦ ተነስቷል፤ ወደ አገር ውስጥ ለመግባትም እየተዘጋጀ ይገኛል ነው ያሉት።

በሀይለኢየሱስ መኮንን

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.