Fana: At a Speed of Life!

አሸባሪዎቹ በኦሮሞ ብሔረሰብ አስተዳደር ዞን የመንግሥትና የግል ተቋማትን ዘርፈዋል

አዲስ አበባ፣ታህሳስ 6፣2014(ኤፍ ቢሲ) አሸባሪዎቹ ሕወሓትና ሸኔ ማኀበረሰቡ የሚገለገልባቸው በርካታ የመንግሥትና የግል ተቋማትን ዘርፈዋል፤ መውሰድ ያልቻሉትንም አውድመዋል ሲሉ በአማራ ክልል የኦሮሞ ብሔረሰብ አስተዳደር ዞን ዋና አስተዳዳሪ አቶ አህመድ ሀሰን ተናገሩ።
አቶ አህመድ ሀሰን ለኢትዮጵያ ፕሬስ ድርጅት እንደገለጹት፥ አሸባሪው የህወሓት ቡድን በአካባቢው በቆየባቸው ቀናት ከተላላኪው የሸኔ ቡድን ጋር በመሆን በኦሮሞ ብሔረሰብ አስተዳደር ዞን በርካታ የመንግሥትና የግል ተቋማት ላይ ጉዳት አድርሷል።
በተለይም በግል ዘርፉ ተሰማርተው ሀብት ያካበቱ ባለሀብቶችን ንብረት በመዝረፍና በማውደም ኅብረተሰቡን ጥሪት አልባ አድርገዋል።
አሸባሪው ሕወሓት ማኀበረሰቡ የሚጠቀምባቸውን በርካታ የንግድና የአገልግሎት ዘርፎችን አበላሽቷል።
በዚህ ወንጀሉም መገልገያዎቹን ሕዝብ ወደፊት እንዳይጠቀምባቸው በማድረግ አስነዋሪ ተግባር ቢፈጽምም ከአካባቢው ተሸንፎ ተባሯል ብለዋል።
ቡድኑ ከፍተኛ ሀብት የፈሰሰባቸው የቱሪዝም ዘርፉን የሚደግፉ ተቋማትን በመዝረፍ፣ ለማጓጓዝ አመቺ ያልሆኑ ንብረቶችን ደግሞ ማውደሙ በአደባባይ የታየ ሐቅ መሆኑንም ነው የገለፁት፡፡
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.