Fana: At a Speed of Life!

የሶማሌ ክልል አንደኛው የግንባታ ዘርፍ ጉባኤ መካሄድ ጀመረ

አዲስ አበባ፣ ታህሳስ 14፣ 2014 (ኤፍ ቢ ሲ) የሶማሌ ክልል አንደኛው የግንባታ ዘርፍ ጉባኤ ዛሬ በጅግጅጋ ከተማ መካሄድ ጀምሯል፡፡

‘’የፕሮጀክቶች ትግበራና የግንባታ ጥራትን ማሳደግ የክልሉ ልማት የጀርባ አጥንት ነው’’ በሚል መሪ መልዕክት የተካሄደው የመጀመሪያው የክልሉ የግንባታው ዘርፍ ጉባኤ ላይ የሶማሌ ክልል ርእስ መስተዳደር አቶ መስጠፌ መሃመድ እና የክልሉ ምክትል ርእሰ መስተዳደር አቶ ኢብራሂም ኡስማንን ጨምሮ ሌሎች የክልሉ ከፍተኛ ሀላፊዎች እንዲሁም የግንባታ ተቋራጮችና የተለያዩ ባለድርሻ አካላት ተገኝተዋል።

የክልል ርዕሰ መስተዳደር አቶ ሙስጠፌ መሃመድ በጉባኤው መክፈቻ ላይ፥ በክልሉ ከለውጡ ወዲህ ባለፉት ሶስት ዓመታት በግንባታው ዘርፉ ላይ የነበሩ ተግዳሮቶች ለማስወገድ በርካታ የለውጥ ስራዎች መከናወናቸውን ተናግረዋል።

ርዕሰ መስተዳደሩ፥ በቀጣይ በግንባታው ዘርፍ ወጥነት ያለው ደረጃ ከማውጣት ጀምሮ በዘርፉ የሚከናወኑ ስራዎችን ለማሻሻልና ለማጠናከር በትኩረት ይሰራል ብለዋል።

የክልሉ የከተማ ልማትና ኮንስትራክሽን ቢሮ ሀላፊ አቶ አብዱረህማን ኢድ ጣሂር በበኩላቸው፥ የግንባታው ዘርፍ አብዛኛው የክልሉ መንግስት በጀት የሚመደብበት ትልቅ ዘርፍ መሆኑን ጠቁመዋል፡፡

ዘርፉ ለዜጎች ቋሚና ጊዜያዊ የስራ እድል በመፍጠር በኩል ከፍተኛ አስተዋፆ ያበረክታልም ነው ያሉት።

የግንባታው ዘርፍ ማሳደግና በዘርፉ የሚታዩ ክፍተቶችን ማሻሻል ይገባል ያሉት የቢሮ ሀላፊው፥ በክልሉ ለመጀመሪያ ጊዜ የተካሄደው የግንባታ ዘርፍ ጉባኤ የሚመለከታቸው የክልሉ መንግስት ተቋማትና የዘርፉ ተዋንያኖች በክልሉ አጠቃላይ የግንባታው ዘርፍ እንቅስቃሴዎች ላይ ምክክር ለማድረግና ተቀራርቦ ለመስራት ምቹ ሁኔታ የሚፈጥር መድረክ መሆኑን ተናግረዋል።

በጉባኤው ላይ በኢትዮጵያ የግንባታው ዘርፍ ታሪካዊ ዳራ፣ በክልሉ አሁን ላይ የሚገኝበትን ሁኔታ ፣ የዘርፉ እድሎችና ፈተናዎችን የዳሰሱ የተለያዩ ፅሁፎች ቀርበው ውይይት እየተደረገበት እንደሚገኝም ከክልሉ መገናኛ ብዙሃን ኤጀንሲ ያገኘነው መረጃ ያመለክታል።

አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.