Fana: At a Speed of Life!

በ በመዲናዋ በህገ ወጥ የመሬት ወረራ በተሳተፉ 88 አመራሮችና ሰራተኞች ላይ እርምጃ ተወሰደ

አዲስ አበባ፣ታህሳስ 18፣2014 (ኤፍ ቢ ሲ) በህገ ወጥ የመሬት ወረራ በተሳተፉ አካላት ላይ እርምጃ መውሰዱን የአዲስ አበባ ከተማ መሬት ልማትና አስተዳደር ቢሮ አስታወቀ፡፡
 
የአዲስ አበባ ከተማ መሬት ልማትና አስተዳደር ቢሮ ኃላፊ አቶ ጀማል አላዬ በሰጡት መግለጫ፥ በህገ ወጥ የመሬት ወረራ በተሳተፉ 88 አመራሮችና ሰራተኞች ላይ ፓለቲካዊ እና አስተዳደራዊ እርምጃ መወሰዱን ተናግረዋል።
 
ከ26 ሺህ ካሬ ሜትር በላይ ስፋት ያላቸው እና በህገ ወጥ መንገድ የተያዙ 671 ይዞታዎች ካርታቸው እንዲመክን በማድረግ ወደ መሬት ባንክ መመለሳቸውንም ተናግረዋል፡፡
 
አቶ ጀማል አላዬ እንደተናገሩት፥ ህዝቡ በህገ ወጥ ደላሎች እንዳይታለልና በመንደር ውል የሚደረግ የመሬት ግዥ ህጋዊ ተቀባይነት የሌለው መሆኑን አውቆ የመሬት ግዢ ሲፈፅም በመሬት ውልና ማስረጃ ተቋም በመቅረብ እንዲገዛም ማሳሰባቸዉን ከአዲስ አበባ ፕሬስ ሴክሬታሪያት ያገኘነዉ መረጃ ያመላክታል።
 
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
 
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.