Fana: At a Speed of Life!

የሕዝብ ተወካዮች ምክር ቤት ከፍተኛ አመራሮች በወቅታዊ ሀገራዊ ሁኔታዎች ላይ እየተወያዩ ነው

አዲስ አበባ፣ ታህሳስ 26 ፣ 2014 (ኤፍ ቢ ሲ) የኢፌዴሪ የህዝብ ተወካዮች ምክር ቤት ከፍተኛ አመራሮች በሀገራዊ ወቅታዊ ሁኔታዎች ላይ እየተወያዩ ነው፡፡

ውይይቱ “በዘላቂ ድል ወደ ብልጽግና እንዲሁም የድህረ ጦርነት መዛነፎችና እርምቶች” በሚሉ ርዕሰ ጉዳዮች ላይ ያተኮረ ነው ተብሏል፡፡

ለውይይቱ መግቢያ ንግግር ያደረጉት የመንግስት ዋና ተጠሪ ሚኒስትር አቶ ተስፋዬ ቤልጂጌ እንገለጹት ÷ ሀገራችን ከተቃጣባት የህልውና አደጋ በሁሉም ኢትዮጵያዊያን ርብርብ መውጣት መቻሏንና ከፍተኛ አመራሩ በቅርበትና በተደራጀ መልኩ ሲመራ መቆየቱን አስታውሰዋል፡፡

ከጦርነቱ በኋላ ሊያገጥሙ የሚችሉ ውስጣዊና ውጫዊ ችግሮችን በፅናት ታግለን ኢትዮጵያን ወደተሻለ ደረጃ መውሰድ የውይይቱ ዋነኛ ትኩረት ነው ብለዋል – አቶ ተስፋዬ፡፡

ጦርነቱ ያስከተለው ቀውስ እና ውድመት ከባድ ቢሆንም የተገኙትን መልካም እድሎች በአግባቡ መጠቀም እንደሚገባም በውይይቱ ተገልጿ፡፡

ኢትዮጵያዊ አርበኝነትን፣ የኅብረ-ብሔራዊ አንድነታችን መጎልበት፣ የፓን አፍሪካኒዝም መንፈስ እንደ አዲስ መቀስቀስ፣ ኢትዮጵያዊ ዳያስፖራዎች በአንድነት የቆሙበት እንዲሁም መከላከያ ሠራዊተችንን ለማጠናከር እድል መገኘቱ በጦርነቱ ማግስት የተገኙ መልካም አጋጣሚዎች ስለመሆናቸው የመንግስት ዋና ተጠሪው በውይይቱ መክፈቻ ገልጸዋል፡፡

በጦርነቱ የወደሙ ተቋማት እና መሠረተ ልማቶችን ማደራጀት እና ማቋቋም፣ የተገኘውን ኅብረ ብሔራዊ አንድነት ማስጠበቅ እንዲሁም አስተማማኝ ሠላም በማስፈን የኢትዮጵያን ልማትና እድገት ማስቀጠል ቀጣይ የትኩረት አቅጣጫዎች ስለመሆናቸውም ከምክር ቤቱ ገጽ ያገኘነው መረጃ ያመላክታል፡፡

ኢትዮጵያን፦ እናልማ፣ እንገንባ፣ እንዘጋጅ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.