Fana: At a Speed of Life!

የህጻናት ክትባት ሽፋንን ለመገምገም የሚያግዝ አገር አቀፍ ጥናት ተጀመረ

አዲስ አበባ፣ ታህሳስ 27፣ 2014 (ኤፍ ቢ ሲ) በኢትዮጵያ በክትባት ተደራሽ ያልሆኑ ህጻናትን የክትባት ሽፋን ለመገምገም የሚያግዝ አገር አቀፍ የጥናት ፕሮጀክት የማስጀመሪያ ፕሮግራም ተካሄደ፡፡

በማስጀመሪያ ስነ ስርዓቱ ላይ የተገኙት የጤና ሚኒስትር ዴኤታ ዶክተር ደረጄ ዱጉማ፥ በአለም አቀፍ ደረጃ የክትባት ተደራሽነት ዝቅተኛ አፈጻጸም ከሚታይባቸው አምስት የአፍሪካ አገራት መካከል ኢትዮጵያ አንዷ መሆኗን አንስተዋል፡፡

በሀገራችን በአውሮፓውያን በ2019 EDHS ጥናት መሰረት ምንም አይነት መደበኛ ክትባት ያልወሰዱ እንዲሁም ያቋረጡ 1 ነጥብ 2 ሚሊየን የሚጠጉ ህጻናት የሚገኙ እንደሆነ ተናግረው ፥ ከእነዚህም ውስጥ ግማሽ ያክሉ በግጭት በተጎዱ አካባቢዎች፣ ለመድረስ አስቸጋሪ በሆኑ አካባቢዎች እና ክትባት ባልተዳረሰባቸው የሀገራችን አንዳንድ ከተሞች ይገኛሉ ብለዋል፡፡

ሚኒስትር ዴኤታው አክለውም ፥ በህብረተሰብ ጤና ታሪክ ክትባት ቀዳሚና ውጤታማ የሆነ በሽታን መከላከያ መንገድ እንደሆነ ገልጸዋል፡፡

በልጅነት ጊዜ የሚሰጡ ክትባቶች ልጆችን ከልጅነት ልምሻ(ፖሊዮ)፣ የሳንባ ነቀርሳ፣ ኩፍኝ፣ የሳንባ ምች፣ተቅማጥ፣ ዘጊ አናዳ፣ ትክትክ በመሳሰሉት በሽታዎች የሚከሰት ህመምንና ሞትን መከላከል እንደሚያስችል አብራርተዋል፡፡

ጥናቱ እነዚህን በሽታዎች ማህበረሰቡን እንዳያጠቁ ለመከላከልና ለማጥፋት ክትባቱን ተደራሽ ለማድረግ ጠቃሚ እንደሆነ መጠቆማቸውን ከሚኒስቴሩ ያገኘነው መረጃ ያመለክታል፡፡

ኢትዮጵያን፦ እናልማ፣ እንገንባ፣ እንዘጋጅ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.