Fana: At a Speed of Life!

ሀገር በማዳኑ ተግባር የተሸነፉት ህወሓት እና ተላላኪዎቹ ብቻ ሳይሆኑ ምዕራባውያንም ጭምር እንደሆኑ ተገለጸ

አዲስ አበባ፣ ታህሳስ 29፣ 2014 (ኤፍ ቢ ሲ) የኢትዮጵያ ፌደራል ፖሊስ ወንጀል መከላከል ጠቅላይ መምሪያ የ2014 ዓ.ም የስድስት ወራት የስራ አፈጻጸም ማጠቃላያ ፕሮግራም አካሂዷል፡፡
 
በመርሃ ግብሩ የመከላከያ ሚኒስትር ዶክተር አብረሃም በላይን ጨምሮ የጸጥታው ዘርፍ ከፍተኛ አመራሮችና ሌሎች ጥሪ የተደረገላቸው እንግዶችም ተገኝተዋል።
 
የፌደራል ፖሊስ ኮሚሽነር ጀነራል ደመላሽ ገብረሚካኤል ህግ በማስከበር ተግባር የላቀ አፈፃፀም ላስመዘገቡ ለተለያዩ የስራ ክፍሎች እና አጋር አካለት የምስጋና ምስክር ወረቀት እና ሽልማት አበርክተዋል፡፡
 
በመድረኩ በሰጡት የስራ መመሪያም ኢትዮጵያ በየትኛውም የታሪክ አጋጣሚዎች በውጪ ወራሪዎች ተሸንፋ እንደማታውቅ አውስተዋል።
 
በወራሪው እና አሸባሪው ህወሓት እና በተላላኪዎቹ የተከፈተብንን ጦርነት በመቀልበስ ረገድ በጠቅላይ ሚኒስትር ዐቢይ አሕመድ የተመራው የጥምር ጦር ላስመዘገበው ድልም ምስጋና አቅርበዋል፡፡
 
ጠቅላይ ሚኒስትር ዐቢይ የፀጥታ ዘርፉን ሪፎርም የማድረግ ስራ ካስጀመሩ ወዲህ የኢትዮጵያ ፌዴራል ፖሊስ ወደ ከፍተኛ ደረጃ የሚያደረሰውን ሪፎርም ስራ ጀምሮ ብዙዎቹን እያሳካ ይገኛልም ነው ያሉት፡፡
 
ቀሪዎቹንም ለማሳካት በከፍተኛ ደረጃ እየተሰራ መሆኑን የገለጹት ኮሚሽነሩ ÷ለዚህ ስኬትም የአጋር አካላት ሚና ከፍተኛ መሆኑን ጠቁመዋል።
 
ሀገር በማዳኑ ተግባር የተሸነፉት የሽብር ቡድኑ ህወሓት እና ተላላኪዎቹ ብቻ ሳይሆኑ ምዕራባዊያንም ጭምር እንደሆኑ መናገራቸውን ከፌደራል ፖሊስ ያገኘነው መረጃ ያመላክታል፡፡
 
ፌደራል ፖሊስ ዛሬም በተለያዩ ግዳጆች ላይ ህይወቱን እየከፈለ ሀገሩን እየጠበቀ መሆኑን ገልጸው÷ በተለይም ጁንታውና ተላላኪዎቹ አዲስ አበባ አየተቃረብን ነው ባሉበት ወቅት ከሌሎች የጸጥታ አካላት ጋር በቅንጅት በመስራት የከተማዋ ጸጥታ እንዲከበር ማድረጉን አንስተዋል፡፡

 

ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.