በኢትዮጵያ ቤትኪንግ ፕሪምየር ሊግ ወላይታ ዲቻ 3ኛ ተከታታይ ድሉን አስመዘገበ

አዲስ አበባ፣ የካቲት 4፣2014 (ኤፍ ቢ ሲ) በኢትዮጵያ ቤትኪንግ ፕሪምየር ሊግ ወላይታ ዲቻ መከላከያን በማሸነፍ 3ኛ ተከታታይ ድሉን አስመዝግቧል፡፡

በ12ኛው የቤት ኪንግ ፕሪምየር ሊግ በድሬዳዋ ስታዲየም በተካሄደው ጨዋታ ወላይታ ዲቻ መከላከያን 1 ለ 0 በማሸነፍ ተከታታይ ድሉን አስመዝግቧል፡፡

አንተነህ ጉግሳ የወላይታ ዲቻን የማሸነፊያ ጎል በ7ኛው ደቂቃ ላይ አስቆትሯል፡፡

የቤትኪንግ ኢትዮጵያ ፕሪምየር ሊግ 12ኛ ሳምንት ጨዋታዎች ቀጥለው ሲካሄዱ አርባ ምንጭ ከተማ እና ድሬዳዋ ከተማ ምሽት 1 ሰዓት ላይ ጨዋታቸውን ያደርጋሉ፡፡

ትላንት በተደረጉ የሊጉ ጨዋታዎች ኢትዮጵያ ቡና አዲስ አበባ ከተማን 1 ለ 0 ሲያሸንፍ ባህርዳር ከተማ ሀዋሳ ከተማን 2 ለ 0 ማሸነፉ የሚታወስ ነው፡፡