በምዕራብ ሀረርጌ በድርቅ ለተጎዱ አካባቢዎች የምግብ እህል ድጋፍ ተደረገ

ከዚህም ባሻገር በሁለቱ ወረዳዎች በተከሰተው ድርቅ ሳቢያ ያጋጠመውን የውሃ ችግር ለማቃለል እየተደረገ ያለውን ጥረት ለማገዝ 11 ቦቴ ውሃ መቅረቡን ገልጸዋል።

ሀዊ ጉዲና እና ቡርቃ ዲምቱ ወረዳዎች ሙሉ በሙሉ ቆላማ አካባቢዎች በመሆናቸው ለድርቅ ተጋላጭነታቸው ከፍ ያለ ስለሆነ ቀጣይ ድጋፍ ያስፈልጋል ብለዋል።

ጉምቢ ቦርደዴ፣ ሚኤሶና ኦዳቡልቱም ወረዳዎች ከፊል ቆላማ የአየር ንብረት ያላቸው በመሆኑ ክትትል እየተደረገ መሆኑንም ገልጸዋል።
የዞኑ ምክትል አስተዳዳሪ አቶ ተሾመ ከበደ እንዳሉት ከየቦታው ተሰብስቦ በሚሰጥ ድጋፍ ብቻ ችግሩን ማቃለል እንደማይቻል ጠቁመው፤ የመስኖን ልማትን በማጠናከር ችግሩን ለመፍታት ጥረት ይደረጋል።

አርሶ አደሩ በሰባት ወር በሚደርሰው ማሽላ ላይ ከማተኮር ይልቅ በሦስት እና በአራት ወር በሚደርሱ እንደ ስንዴ፣ ጤፍ፣ ማሾ የመሳሰሉ ላይ ትኩረት እንዲያደርግ እየተሰራ መሆኑን ጠቁመዋል።

አነስተኛ ግድቦችን በማስፋፋት በዞኑ ከሁለት ዓመት በኋላ ለድርቅ ተጋላጭነትን በ80 በመቶ ለመቀነስ እየተሰራ መሆኑን ምክትል አስተዳዳሪው መናገራቸውን ኢዜአ ዘግቧል፡፡

ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!