የሩስያ ወታደራዊ ኃይል የዩክሬኗን ኬርሰን ከተማ ተቆጣጠረ

የሩስያ መከላከያ ሚኒስቴር ቃል አቀባይ እንዳስታወቀው፥ የሩስያ ጦር በጥቁር ባህር አካባቢ የምትገኘውን የኢኮኖሚ ማዕከልና የኬርሰን ኦብላስት ግዛት ዋና ከተማ የሆነችውን ኬርሰንን ከሰዓታት በፊት መቆጣጠሩን አር ቲ የዜና ምንጭ ዘግቧል፡፡

ከክሬሚያ በስተሰሜን አቅጣጫ የምትገኘው እና ሩብ ሚሊየን የሚጠጋ ህዝብ ያላት ኬርሰን ከተማ እስካሁን በሩስያ ጦር እጅ የወደቀ ትልቋ ከተማ መሆኗ ነው የተገለፀው።

የከተማዋ ከንቲባ ኢጎር ኮላይካዬቭ ቀደም ሲል እንደተናገሩት፥ የሩስያ ወታደራዊ ኃይሎች የኬርሰንን ባቡር ጣቢያ እና ወደብ ለቀናት በተካሄደ ውጊያ በቁጥጥር ስር በቁጥጥራቸው ስር አድርገዋል።