የሰከላ-አዴት የአስፋልት ኮንክሪት የመንገድ ፕሮጀክት በጥሩ ደረጃ ላይ እንደሚገኝ ተመለከተ

መንገዱ ተገንብቶ እስከሚጠናቀቅ ለመንገዱ ተጠቃሚ ህብረተሰብ የትራንስፖርት መስተጓጎል እንዳይደርስበት ለማድርግ የተለዋጭ መንገድ ግንባታ እየተሰራ ይገኛል፡፡

የመንገድ ግንባታውን እያከናወነ የሚገኘው አገር -በቀሉ ዲ.ኤም.ሲ ጠቅላላ ሥራ ተቋራጭ ድርጅት ሲሆን÷ የማማከርና የቁጥጥር ስራውን ደግሞ የኢትዮጵያ ኮንስትራክሽን ዲዛይንና ሱፐርቪዥን ስራዎች ኮርፖሬሽን ነው።

ለመንገዱ ግንባታ የሚውለው 2 ቢሊየን 578 ሚሊየን 671 ሺህ 578 ብር የሚሸፈነው በኢትዮጵያ መንግስት መሆኑ ታውቋል፡፡

መንገዱን ገንብቶ ለማጠናቀቅ ለስራ ተቋራጩ የሶስት ዓመት የጊዜ ገደብ የተሰጠው ሲሆን÷ ግንባታው በተገቢው የጥራት ደረጃ እና ፍጥነት እንዲጠናቀቅ በአትኩሮት እየተሰራ መሆኑ ነው የተገለጸው፡፡

መንገዱ ትከሻን ጨምሮ በከተማ 21 ሜትር ፣ በቀበሌ እና በገጠር ደግሞ 10 ሜትር የጎን ስፋት እንዲኖረው ተደርጎ በመገንባት ላይ እንደሚገኝ ከመንገድ አስተዳደር ያገኘነው መረጃ ያመላክታል፡፡

አካባቢው የጤፍ ፣ ስንዴ እና ሌሎች የግብርና ምርቶችን ጨምሮ ማርና የአትክልት ምርታማነቱ ከፍተኛ በመሆኑ የፕሮጀክቱ ግንባታ መጠናቀቅ ሚናው የጎላ መሆኑም ነው የተገለጸው።

ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!