Fana: At a Speed of Life!

ጉምሩክ ኮሚሽን ተቋሙን ሰውን ማዕከል ባደረገ መልኩ ለማሻሻል እያከናወነ ያለው ሥራ የሚደነቅ ነው-ጠቅላይ ሚኒስትር ዐቢይ

አዲስ አበባ፣ መጋቢት 8፣ 2014 (ኤፍ ቢ ሲ) የኢትዮጵያ ጉምሩክ ኮሚሽን ተቋሙን ሰውን ማዕከል ባደረገ መልኩ ለማሻሻል እያከናወነ ያለው ሥራ የሚደነቅ ነው ሲሉ ጠቅላይ ሚኒስትር ዐቢይ አሕመድ ገለጹ፡፡
 
ጠቅላይ ሚኒስትር ዐቢይ በማህበራዊ ትስስር ገጻቸው ባሰፈሩት ጽሁፍ÷የተቋም ግንባታ የለውጡ ሂደት ወሳኝ አካል ነው ብለዋል፡፡
 
በዚህ ረገድ የኢትዮጵያ ጉምሩክ ኮሚሽን ተቋሙን ሰውን ማዕከል ባደረገ መልኩ ለማሻሻል እያከናወነ ያለው ሥራ የሚደነቅ መሆኑን አንስተዋል፡፡
 
ኮሚሽኑ ኤሌክትሮኒክ አገልግሎት የሚሰጥበትን ሥርዓት በመዘርጋት፣ ምቹ የሥራ ቦታን በመፍጠር፣ ሠራተኞች በተመጣጣኝ ዋጋ የምግብ አቅርቦት እንዲያገኙ በማስቻል እንዲሁም የተሟላ አገልግሎት ለመስጠት የሚያስችሉ ስራዎች ማከናወኑን ጠቁመዋል፡፡
 
ከዚህ ባለፈም ጉምሩክ ኮሚሽን የሕፃናት ማቆያ ማዕከላትን በማደራጀት እና ለጽዳት ሠራተኞች ተጨማሪ የገቢ ማስገኛ መንገዶችን በማመቻቸት እና አስቻይ ሁኔታዎችን በመፍጠር ቅልጥፍናን የሚጨምሩ ሥራዎችን ማከናወኑንም አውስተዋል፡፡
You might also like

Leave A Reply

Your email address will not be published.