Fana: At a Speed of Life!

የከረ ዲማ ጎበንቲ ራሚስ የመንገድ ግንባታ አለመጠናቀቅ ለተለያየ ችግር እንደዳረጋቸው አርብቶ አደሮች ተናገሩ

አዲስ አበባ፣ መጋቢት 9፣ 2014 (ኤፍ ቢ ሲ) የከረ ዲማ ጎበንቲ ራሚስ 32 ኪሎ ሜትር የጥርጊያ መንገድ ግንባታ ፕሮጀክት በተያዘለት ጊዜ ባለመጠናቀቁ ለማህበራዊና ኢኮኖሚያዊ ችግር ዳርጎናል ሲሉ በምስራቅ ሐረርጌ ዞን የጎሎዳ ወረዳ አርብቶ አደሮች ቅሬታቸውን ገለጹ።
የመንገድ ግንባታው በተያዘለት ጊዜ ባለመጠናቀቁ÷ ምርታችንን ለገበያ ማቅረብ አልቻልንም፤ ህሙማንንም ወደ ጤና ተቋማት ማድረስ አልቻልንም ብለዋል ነዋሪዎቹ፡፡ በዚህም ለማህበራዊና ኢኮኖሚያዊ ችግር መጋለጣቸውን ነው ለፋና ብሮድካስቲንግ ኮርፖሬት የገለጹት፡፡
የወረዳው መንገድና ሎጅስቲክ ፅህፈት ቤት ኃላፊ አቶ ፎዚ ሀሰን÷ የመንገድ ግንባታ ፕሮጀክቱ በኦሮሚያ ክልል በጎሎዳ ወረዳ አስተዳደርና በህብረተሰቡ ተሳትፎ በ 44 ሚሊየን ብር ወጭ ከ2007 ዓ.ም ጀምሮ እየተገነባ መሆኑን አብራርተዋል።
በተቋራጮች ያልተገባ ጥቅም መፈለግና ከህብረተሰቡ የሚጠበቀው የገንዘብ መዋጮ በሚጠበቀው ልክ ባለመሰብሰቡ ግንባታው ሊቋረጥ ችሏል ብለዋል፡፡
ችግሮችን በመፍታት በ2012 ዓ.ም የመንገድ ግንባታውን ዳግም ወደ ስራ በማስገባት የ30 ኪሎ ሜትር የጥርጊያ ስራ ፅህፈት ቤቱ ማከናወን መቻሉንም አብራርተዋል።
የኦሮሚያ ክልል 23 ሚሊየን፣ ጎለ ኦዳ ወረዳ 10 ሚሊየን ብር ማዋጣታቸውን የገለጹት ኃላፊው÷ አርብቶ አደሮች ግን የሚጠበቅባቸውን 7 ሚሊየን ብር ማዋጣት እንዳልቻሉ ተናግረዋል፡፡ ይህም ተቋራጬ ክፍያውን እንዳያገኝ እና ግንባታውም በተያዘለት ጊዜ እንዳይጠናቀቅ አድርጎታል ነው ያሉት፡፡
በቀጣይ ችግሮችን በመፍታት መንገዱን ለማጠናቀቅ እንደሚሰራ አቶ ፎዚ ሀሰን አስታውቋል።
በእዮናዳብ አንዱዓለም
ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.