Fana: At a Speed of Life!

የአፋር ክልል ርዕሰ መስተዳድር በዱብቲ ሆስፒታል የኦክስጅን ማምረቻ ማሽንን ሥራ አስጀመሩ

አዲስ አበባ፣ መጋቢት 9፣ 2014 (ኤፍ ቢ ሲ) የአፋር ክልላዊ መንግሥት ርዕሰ መስተዳድር አወል አርባ በዱብቲ ሆስፒታል የኦክስጅን ማምረቻ ማሽንን ሥራ አስጀምረዋል፡፡
የኦክስጅን ማምረቻ ማሽኑ አወል አርባን ጨምሮ የሴንተር ፎር ኢንተርናሽናል ሪ ፕሮዳክቲቭ ሄልዝ ትሬኒንግ መስራችና ዳይሬክተር ፕሮፌሰር ሰናይት ፍስሀ እና ሌሎችም የመንግሥት የሥራ ኃላፊዎች በተገኙበት ነው ተመርቆ የተከፈተው፡፡
በሀገሪቱ ትልቅ ከሚባሉ ማሽኖች አንዱ ሲሆን÷ ከክልሉ ባለፈም ለአጎራባች አካባቢዎች አገልግሎት የመስጠት አቅም እንዳለው በምረቃው ወቅት ተገልጿል፡፡
የዱብቲ ሆስፒታል ሜዲካል ዳይሬክተር ዶክተር ሁሴን አደም ከተለያዩ አካባቢዎች በከፍተኛ ወጪ ይመጣ የነበረው ኦክስጅን በሆስፒታሉ ማምረት መጀመሩን ጠቁመው÷ በሙሉ አቅሙ ማምረት ሲጀምርም በቀን ከ200 በላይ ሲሊንደር የመሙላት አቅም እንዳለው ገልጸዋል፡፡
ዶክተር ሁሴን ለፋና ብሮድካስቲንግ ኮርፖሬት እንደገለጹት÷ ሆስፒታሉ ኦክስጅን ማምረት መጀመሩ በእናቶችና ህጻናት እንዲሁም የመተንፈሻ አካላት ችግር ላለባቸው ህሙማን ያለምንም ችግር የህክምና አገልግሎት ለመስጠት ያስችላል፡፡
በተመሳሳይ ርዕሰ መስተዳድር አወል አርባ የሆስፒታሉን ማስፋፊያ የመሰረት ድንጋይ በማስቀመጥ ሥራ አስጀምረዋል፡፡
በአሊ ሹምባሕሪ
ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.