አምባሳደር አለማየሁ ተገኑ ከሩሲያ ፌዴሬሽን የህዝብ ተወካዮች ምክር ቤት አባል ጋር ተወያዩ

አዲስ አበባ፣ መጋቢት 16፣ 2014 (ኤፍ ቢ ሲ) አምባሳደር አለማየሁ ተገኑ ኢትዮጵያና ሩስያን የጋራ ተጠቃሚነት ለማሳደግ ይበልጥ ተቀራርቦ ለመስራት በሚቻልባቸው ጉዳዮች ላይ ከሩሲያ ፌዴሬሽን የህዝብ ተወካዮች ምክር ቤት አባል ከሆኑት ፒተር አሞሶቭ ጋር ተወያዩ።

በሩሲያ የኢ.ፌ.ዴ.ሪ ባለሙሉ ስልጣን አምባሳደር አለማየሁ ተገኑ ከሩስያ የህዝብ ተወካዮች ምክር ቤት አባል ፒተር አሞሶቭ ጋር ባካሄዱት ውይይት፥ ስለኢትዮጵያ ነባራዊ ሁኔታ ከማስረዳታቸውም በተጨማሪ በኢንቨስትመንት፣ በንግድና ቱሪዝም ዘርፍ ያሉንን እምቅ ሃብቶች አስመልክተው ማብራሪያ ሰጥተዋል።